حاجات كتير اوي اتعلمتها من سوبر ماريو... حاجات لو قعدت سنين عمرك ما هتتعلمها اتعلمت الصبر...واني ميأسش ابدا..لما كانت امي بتشدلي الفيشه وانا في ليفل 8 وقربت اوصل للوحش الأخير وفاكره انها بكده هتخليني اذاكر...وكنت برجع ابدأ من أول ليفل تاني واضيع وقت اكتر.....أو كانت تخبي الاتاري مني وافضل طول اليوم ادور عليه من غير يأس أو ملل...أو لما كان النور بيقطع يعني عليك في النص وترجع تبدأ من أول وجديد تاني اتعلمت أن ممكن يبقي نفسك في الحاجه وأول ماتوصل ليها تلاقيها عاديه وانت ضيعت وقت فيها على الفاضي وهي ماتستاهلش...زي ماكنت مستني بفارغ الصبر اشوف الاميره اللي ضيعت من عمري 25 ليفل عشان اشوفها وفي الاخر لقيتها اميره تافهه لابسه تاج اهبل متفرقش كتير عن الخدامات اللي كانوا في الليفلز اللي فاتت.....بل بالعكس كانت عجزت وكرمشت وماريو مكانش واصل لركبها اتعلمت انك مهما هتلم في فلوس في حياتك وتكبر وتبقي اقوي...ممكن تضيع كل ده في ثانيه واحده... ممكن حاجات صغيره وتافهه تكسرك وتصغرك... زي ماريو لما كان بيصغر لما بيخبط في البط البلدي أو أبو الخدود الصغير ده الفرصه بتجيلك مره واحده كل حقبه من الزمن لو ما استغلتهاش وضيعتها... مش هتجيلك تاني.... زي الكيكه اللي ماريو كان بياخدها وهو ماشي عشان يكبر...لو فاتته بيفضل صغير وتافه وملوش لازمه...اما بقي لو اخدها فبيكبر ويبقي تافه وملوش أي تلاته لازمه برضه اتعلمت اني لازم اتعب واحفر في الصخر عشان الاقي ثمره تعبي...واشتغل أي حاجه...الشغل مش عيب....زي ماريو لما كان بينزل يلم الدهب من البكابورتات... اتعلمت حاجات كتير اوي...كلها حاجات تافهه من لعبه تافهه...وشخصيه اتفه منك لله يا ماريو...ساهمت في هطل جيل بأكمله....
