ماهر ساخرا :أين كان أبو حامد أيام مبارك

قال احمد ماهر المنسق العام لحركة 6 ابريل ،ان لو أجرى استطلاع رأى فى الشارع الحقيقى وليس الشارع السياسى سيجد ان مظاهرات أمس ضد مرسى أظهرت نتائج عكسية، مضيفا ان ابو حامد بيزايد علي المعارضه اللي كانت قبل الثورة وبيقول مكاتب مكيفه وانا المعارضة الحقيقية في مصر، هو ابوحامد كان فين قبل الثوره؟ مؤكدا انه تقريبا ابوحامد ماسمعش ولا يعرف ان كان فيه ناس أيام مبارك بتتحدي الامن وتنزل الشارع ويتقبض عليهم ويطولوا في السجن وبعضهم بيتعذب فى امن الدولة
وأضاف ماهر فى تويتة له على موقع التواصل الاجتماعي "تويتر" انه لا يصح ان ناخد المظاهرات الفاشلة بتاعة أمبارح كمقياس للمعارضة لانها عار المعارضة، والمعارض اكبر وارقى من كده، او هكذا ينبغى
وحذر ماهر انه يوجد ظاهره خطيرة حدثت أمس لابد من الانتباه اليها حتى لا تؤدى لكارثة وهى استخدام السيوف والمقاريط فى الاعتراض على فصيل سياسى مشيرا الى انه مع دور الشرطة التى تحمى المتظاهرين من اى بلطجية، واى حد يحمل سلاح يتحبس، لو كل فصيل حمل السلاح هاتبقى زى طوائف لبنان
مؤكدا ان ثورة 25يناير قامت علشان الشعب أتخنق من مبارك ونظامه، الموضوع مش عدد، ولا يمكن استنساخ ثوره بدون سبب او دافع ملح ، ونفى ماهر ان يكون احد أعضاء الحركة شارك فى مظاهرات امس