أحمد ماهر:تظاهرات أمس جاءت لصالح مرسى

قال احمد ماهر المنسق العام لحركة 6 ابريل ،ان لو أجرى استطلاع رأى فى الشارع الحقيقى وليس الشارع السياسى سيجد ان مظاهرات امس ضد مرسى اظهرت نتائج عكسيه، مضيفا ان ابو حامد بيزايد علي المعارضه اللي كانت قبل الثوره وبيقول مكاتب مكيفه وانا المعارضه الحقيقيه في مصر، هو ابوحامد كان فين قبل الثوره؟ مؤكدا انه تقريبا ابوحامد ماسمعش ولا يعرف ان كان فيه ناس ايام مبارك بتتحدي الامن وتنزل الشارع ويتقبض عليهم ويطولوا في السجن وبعضهم بيتعذب فى امن الدوله
واضاف ماهر فى تويتة له على موقع التواصل الاجتماعى "تويتر" انه لا يصح ان ناخد المظاهرات الفاشله بتاعة امبارح كمقياس للمعارضه لانها عار المعارضه، والمعارض اكبر وارقى من كده، او هكذا ينبغى
وحذر ماهر انه يوجد ظاهره خطيره حدثت امس لابد من الانتباه اليها حتى لا تؤدى لكارثه وهى استخدام السيوف والمقاريط فى الاعتراض على فصيل سياسى مشيرا الى انه مع دور الشرطه التى تحمى المتظاهرين من اى بلطجيه، واى حد يحمل سلاح يتحبس، لو كل فصيل حمل السلاح هاتبقى زى طوائف لبنان
مؤكدا ان ثورة 25يناير قامت علشان الشعب اتخنق من مبارك ونظامه، الموضوع مش عدد، ولا يمكن استنساخ ثوره بدون سبب او دافع ملح ، ونفى ماهر ان يكون احد اعضاء الحركة شارك فى مظاهرات امس