هل هلالك

فؤاد قاعود
مع السلامة يا شهر الصوم.. ماعليكش اللوم
لاكن علي تجار القوم وعلي الاسعار
دول قشوطوني بدون رحمة بتوع اللحمة
وع الياميش القي الزحمة اشرد واحتار
أسعار ماشوفتش ليها نظير ولا في الاساطير
تنفع لمجتمع البناكير مش للانفار

ودول كتير أهم حوالينا ملو عنينا
وماكترالهم علينا غير الشطار

لكن النفر منا مسكين.. خايب وأمين
ينظر لسعر القمر الدين يحصل له دوار

وإن كنت ليا ف شيء غية تبقي أذيه
اقول أوزن لي وقية والتي استهتار
وكنت يا رمضان في زمان كان قبل الان
بتفوت علينا بخير وامان.. وان كنا كتار