معاش الرئيس

قام صندوق التأمين الاجتماعي للعاملين بالحكومة بتسوية المعاش الشهري للرئيس السابق حسني مبارك، وانتهت إدارة التسويات في الصندوق من تسوية المعاش الذي يُفترض أن يضاف إلي معاشه كقائد أسبق للقوات الجوية.. هذا الخبرالذي نشرته إحدي الصحف كان مثار غيظ شباب الفيسبوك وهذه عينة من التعليقات .. ياعيني عليه أنا بفكر نعمل جمعية والريس يقبضها الاول علي ماييجي ميعاد المعاش هما ال70مليار يعملوا حاجة اليومين دول مش معقول اللي بيحصل ده... دا جنان رسمي ...
ياعيني .. بعد النهب اللي حصل لسه بنقول معاش لمبارك ..ده اسمه ضرب علي القفا وضحك علي الذقون ... يا ناس احترموا مشاعر الجماهير وربنا ينتقم منكم.
مش عارف أعلق علي خبر زي ده بإيه غير انه استهزاء بالمصريين وبعقولهم ده اذا كانوا سابوا لينا عقول!!! صباح الخير ياحكومة وحسبي الله ونعم الوكيل في اللي صرح بالخبر ده من الحكومة!! طب بالله عليك حتديله معاش زي ما القانون بيقول ولا تبع قانون زينب؟؟؟ كرهتونا في عشتنا منكم لله!!
طالما أن الرئيس عاوز المعاش الشهري بتاعه ده حقه وحق كل مواطن ده هو الرئيس وله إنجازاته رغم كل الفساد ورغم كل اللي حصل وعلشان كده أنا مع انه ياخد حقه ويعطينا حقنا في ال07مليار .
أنا مع صاحب التعليق اللي بيقول نعمل جمعية للريس يقبضها الاول بس الخوف من إنه يقبضها الاول وبعدين يحولها علي برة ومايدفعش تاني .
أنا اقترح ان مبارك ياخذ معاش السادات أو ياخذ معاش الرئيس الراحل محمد نجيب علشان يشوف الناس عايشة ازاي .
زغرطي يا عفااااااااااااااااااف كمان حياخد معاش يالهوووووووووووووووووووووووووي !!
كان الله في عون الناس .. وأرجو ألا ننسي معاش الوزرا اللي اتمسكوا في قضايا الفساد لأن أكيد الفلوس اللي نهبوها خلصت ( !! ).