مهرجان شعبي الثورة مستمرة ..يهز قلوب الفاسدين على التت

انتشر فيديو على الفيس بوك لأغنية شعبية تتحدث عن ثورة 25 يناير الموجة الثالثة 2012 بعنوان مهرجان الثورة مستمرة
وتم غناء الاغنية باللغة التي يحبذها الناس وهي المهرجانات الشعبية ويتوقع ان تحدث هذه الاغنية ضجة عظيمة وفارق كبير فى حشد اعداد المتظاهرين ليوم 25 يناير القادم.
وبدأت الاغنية بالمقطع ..يالي بتسأل احنا مين ..احنا شباب 23 ورجعنالكم هنا من تاني وحنملي كل الميادين
وتتسائل ..عدت سنة اهي يا بيه ..قلي الثورة عملت ايه ..
و ويسأل المطرب المشير طنطاوي قائلاً يا طنطاوي قالك ايه ؟ قبل ما يمشي سعادة البيه..قالك تحبس فى الثوار ..قالك اقتل ف الاحرار ..قالك ارفع ف الاسعار..خلي العيشة مرار فى مرار..غلي السكر غلي الزيت ..بكرة نبيعلك عفش البيت.
واستنكر قائلاً "ده الى لسة بيحمي مبارك عمره ما يحمي داري ودارك ..قوم يا مصري وقول للجيش ..فين الامن وفين العيش"
وسخرية من الحالة الاقتصادية التي اشاعت الحكومة سوئها قال "اه يا حكومة هز الوسط ..كيلو اللحمة بقى بالقسط .. هما بياكلو حمام وفراخ واحنا الفول دوخنا وداخ..مش لاقيين انابيب بتوجاز ..لاسرائيل صدرتوا الغاز"
وانتقلت الاغنية الى مناهضة المحاكمات العسكرية فى الكوبلية "
قلنا عيش عدالة حرية ..بيحاكمونا عسكرية..عسكرية يعني ايه ..يعني سجون مفتوحة يا بيه ..
علي فى سور السجن وعلي بكرة الثورة تقوم ما تخلي .. اكتب على حيطة الزنزانة حكم العسكر عار وخيانة ..عمر السجن ما اخر بكرة ..عمر القهر ما غير فكرة "
وتوعد المشير طنطاوي بانه سيلاقي مصير القذافي قائلاً " ياطنطاوي خرب خرب بكرة مصيرك زي معمر .."
ثم انتقل الى قائد الشرطة العسكرية والذي يتهمه الكثيرون بالتورط فى احداث ماسبيرو وغيرها قائلاً "حمدي بدين يا حمدي بدين ..ليلتك سودا وزي الطين"
واستمر فى هجومه على المجلس العسكري بارزاً الحالة الاقتصادية السيئة ومنذرا بثورة الجياع واستمرت كوبليهات الاغنية الداعية للثورة والمناهضة للحكم العسكري
"يا طنطاوي يا مجلس عار ..لا بنزين ولا حتي سولار ..يا مشير يا مشير تحتك كرسي وبكرة يطير واحنا طالبين التغيير.. بكرة تشوف غضب الفقير..
يا مشير بيه ..كيلو اللحمة بمية جنيه
ياوزرا طفوا التكييف ..مش لاقيين حق التكييف ..
قالوا بنخرب قالوا بنكسر .. واحنا بنهتف ضد العسكر ..يسقط يسقط حكم العسكر ..احنا الشعب الخط الاحمر
اه يا عسكر يا اوباش بنت مصر ماتتعراش ..
صوت الثورة طالع طالع ..من الجوامع والكنايس ..من المداراس والمصانع
عايزين يركبوا على ثورتنا ..الا الثورة علي جثتنا ..
قالوا الشرطة دول اهالينا ..احا يا ثورة ده عار علينا
الثوار راجعين ..يوم 25 وهنملي تاني كل الميادين ..يا نجيب حقهم يا نموت زيهم ..