اخر اخبار مصر اليوم : منصور: ما يحدث في التأسيسية "عك".. وسوف تقضي الدستورية ببطلانها

انتقد المستشار مرتضى منصور من الجمعية التأسيسية للدستور، مؤكدا أن ما يحدث بداخلها "عك"، مطالبا في الوقت نفسه "بضرورة وقفها".
وقال منصور، في حديثه لبرنامج "آخر النهار" على فضائية "النهار"، "لازم نوقف العمل داخل الجمعية التأسيسية، إحنا مش خاطفين بلد، عاوزين دستور أفضل من دستور 71، وبعدين فين نائب رئيس الجمهورية في الدستور الجديد، مش ده كنا بنطالب بيه قبل الثورة؟".
وأضاف "دي بقت فرح، وجمعية تعاونية بتتوزع للحبايب، وبقت ميكروباص واحد دستور .. واحد دستور".
وتوقع منصور أن تحكم الدستورية العليا بعدم دستوريتها، "لأن فيه 21 واحد موجودين ومعينهم الرئيس، يبقى لازم يدوا حته للرئيس اللي معينهم"، مطالبا بضرورة الاستعانة برجال قانون "مثل يحي الجمل، وأخذ رأي الفلاحين والعمال وأخذ تصور المجلس القومي للمرأة".
وسخر مرتضى من نصوص بعض مسودة الدستور، مثل مادة "الدولة تضمن الأمن والطمأنينة" بقوله "دي مش محتاجة دستور"، و"ترعى الأخلاق .. وضع طبيعي"، و"تلتزم بصيانة الآثار.. إزاي وفيه الشيخ مرجان طلع قال نهدم أبو الهول والمعابد".
وأوضح منصور أنه أول من اختلف مع المستشارة تهاني الجبالي بقوله "قلتلها لا يليق بك أن تتحدثي في السياسة، لكن المحكمة الدستورية لما تقول القانون ده باطل وغير دستوري يبقى تعظيم سلام، وأتوقع أن تحكم بعدم دستورية التأسيسية".
وعن سؤاله حول نيته في الترشح لرئاسة الجمهورية مرة أخرى، قال منصور "مش عارف اسمي اتشال ليه من قوائم المرشحين للرئاسة المرة اللي فاتت؟ ليه حاتم بجاتو شاله وقال أصل أنا توكيلاتي كانت ناقصة.. لا أنا حزب مصر القومي اللي رشحني مش توكيلات، ولازم كل شخص يترشح ياخد فرصته".
وهاجم منصور الدكتور محمد محسوب المستشار القانوني لرئيس الجمهورية، بسبب تصريحاته حول المصالحة مع رجال الأعمال ورد أموالهم إلى الدولة، بقوله "إنت دخلك إيه؟ مش فيه مسؤولين؟ وبعدين حضرتك رجعت كام لحد دلوقت؟ وكل الفلوس اللي رجعت رجعها النائب العام والمحكمة".