خاص بالصور والفيديو .. رئيس الزمالك يعلن قرارات نارية ضد الوايت نايتس

تصوير سارة عبد الباقي:
اتهم مرتضى منصور رئيس نادي الزمالك مجموعة أولتراس وايت نايتس بتدبير محاولة اغتياله فجر الأحد، مؤكدًا أن من قاموا بذلك ليسوا من جماهير الزمالك.
وقال منصور في تصريحات خاصة ل"أخبار الزمالك": "جايبلك أحسن لاعيبه، كل حلم حلمته جبتهولك، كل اللى طفشهم ممدوح عباس انا رجعتهم، وهو اللى قتل واحد منكم معملتوش معاه كده".
وأضاف مرتضى:"أنا اللى اديت فلوس لابو عمرو حسين بعد ما اتقتل، جايين تقتلونى أنا، ده شروع في قتل وارهاب وهيطبق عليكم القانون، وفيها اعدام، لانكم جماعة إرهابية".
واستعرض مرتضى أمام الكاميرا الاصابات التي لحقت بمرافقية أثناء الواقعة، والتي كانت عبارة عن إصابات بطلقات خرطوش في الظهر، قائلًا: "اتفضلوا، اللى بيقولك تمثيليه، دول اسمهم كلاب الالتراس، اللى هم كلاب الإخوان المسلمين، يا الموت يا السجن".
واختتم مرتضى: "هم اللى خسروا دينهم لانهم ارهابيين، عبدالله سيسيه نازل من الطيارة وهو بيضرب نار على رئيس النادي، طب دى تمثيليه طب الرسايل اللى اتبعتت للنائب العام امبارح من تليفونات أحمد شبرا، وأحمد صلاح، وياسر بوجي تمثيليه برضو والعربيات اللى اتملت رصاص!".