كهربا يقلب الفيس بوك بعد تصريحاته في حبر سري باعتراف خطير واستفراز شيكابالا والدعاء على نجم الأهلي السابق

حل محمود كهربا، لاعب الأهلي، ضيف مع الإعلامية أميرة بدر، فى برنامج حبر سري حيث قلب مواقع التواصل الإجتماعى بتصريحاته بأعترافه أن الزمالك له خير عليه لكن يعشق الأهلي منذ صغره مشيرا إلى أنه كان نجم الزمالك، فى وجود شيكابالا ، وهو تصريح مستفز لقائد الزمالك، وقال إنه لم يكن ينوي دفع الغرامة التى دفعها لنادى الزمالك مؤكدا إنه يختصم مجدي عبد الغني، نجم الأهلي السابق، الذى ورطه فى الغرامة.

محمود كهربا: الزمالك له فضل عليا.. لكن الأهلي كان طموحي الأكبر
علق لاعب النادي الأهلي محمود كهربا على فكرة انتقاله من الزمالك للنادي الأهلي قائلًا: "حققت مع الزمالك بطولات لكن كان عندي طموحات أكبر من كده، ومن صغري وانا اهلاوي وبحضر في المدرجات مع الالتراس وكنت بعيط ساعات ومحستش اني اكبر من الزمالك، وطموحي في الزمالك كان هيبقى صعب". وقال محمود كهربا، خلال استضافته ببرنامج "أسرار" مع الإعلامية أميرة بدر المذاع على قناة النهار: "الزمالك له فضل عليا، لكن الأهلي كان طموحي الأكبر، وانا اثق في نفسي من قدراتي لكن مش مغرور، ولما لعبت في البرتغال كان نادي صغير ومكنش هيقدمني، وجمهور الزمالك احب اقولهم انا ولا اذيتكم ولا شتمت وده اللي اتربيت عليه، واللي بيغلط فيا ربنا يسامحوا، وانا اتحاربت كتير، واي حد في مكاني كان عمل اكتر من كده، لكن اللي فات مات".
محمود كهربا: صاحبت شيكابالا والجمهور بيعرف يعصبه.. وكنت انا النجم فى حضور شيكابالا

علق لاعب النادي الأهلي محمود كهربا على الأزمة بين شيكابالا وجماهير النادي الأهلي قائلًا: "وجهة نظري مبحبش اتكلم عن لاعبين خارج النادي الاهلي، وطالما مش زميل ليا، وكان فيه مشاكل بين شيكابالا والجمهور، وانا صاحبت شيكابالا، والجمهور بيعرف يعصب اللاعب، وعارفين الدخلة بتاعته وازاي يضايقوه، وجمهور الأهلي عمره ما يغلط في حد، ودي سابقات بين الجمهور وشيكابالا، معرفش مضى للأهلي ليه قبل كده، والأهلي طموح لأي لاعب في مصر وأفريقيا، وحلم لاي حد يلبس تيشيرت الاهلي". وقال محمود كهربا، خلال استضافته ببرنامج "أسرار" مع الإعلامية أميرة بدر المذاع على قناة النهار: "ماتشات الديربي لازم نكسبها، واحنا في الأهلي بنبقى داخلين عشان نكسب الماتش، لكن موضوع ان لاعبى الزمالك بيتربى جواها كره الاهلي ده معرفوش، واحنا في الأهلي عندنا سيستم اننا روح جماعة، مش روح النجم الأوحد، وانا في الزمالك كنت انا النجم ساعتها مش شيكابالا، وده ثقة مش غرور، ولعبي وارقامي بيقولوا كده اني كنت أحسن وهو في حتة وانا في حتة".
محمود كهربا: ناس كتير ساعدتني في دفع الغرامة لكن مش لازم الناس كلها تعرف
محمود كهربا: مكنتش هدفع الغرامة وأكمل كورة كده والموضوع يطول في المحكمة شوية وبعدها اعتزل
علق لاعب النادي الأهلي محمود كهربا على سداده الغرامة لنادي الزمالك قائلًا: "موضوع الغرامة كنت هطول شوية اقعد سنتين تاني وكابتن حسين لبيب شخصية محترمة وقربنا المسافات وربنا سدد في الوقت المناسب". وقال محمود كهربا، خلال استضافته ببرنامج "أسرار" مع الإعلامية أميرة بدر المذاع على قناة النهار: "احنا كرجالة بنعرف نجيب فلوس، وقلت اشتري نفسي ومكنتش هدفع وأكمل كورة كده، والموضوع يطول في المحكمة شوية وبعدها اعتزل، عشان الموضوع انا مظلوم فيه، ومش حق حد عندي، وفيه ناس ساعدتني في الغرامة لأن الناس بتحب الاهلي اوي وبيحبوا كهربا اوي، لاني بطبيعتي وراضي".وأضاف كهربا قائلًا: "نجيب ساويرس حبيبي، ومش لازم الناس كلها تعرف، ودفعت 70%، وربنا هيكرم تاني، وموجعتنيش الغرامة، وهما 76 مليون اصلا، واللي كان بيتكلم عليا كان برنامجه مبني على كهربا عشان يطلع بس مش أكتر".
محمود كهربا: مجدي عبد الغني ميعرفش حاجة عن حب وخير الأهلي عليه

علق لاعب النادي الأهلي محمود كهربا على أزمته مع كابتن مجدي عبد الغني قائلًا: "مضيت على بياض حبا في نادي الزمالك عشان اطلع إعارة لاتحاد جدة السعودي، وملوا العقد في 2017 وحطوا فيه 4 سنين، واتوثق في 2018، والمسئول عن ده كابتن مجدي عبد الغني، وميعرفش حاجة عن حب وخير الأهلي عليه، ومصلحته أهم من حبه للأهلي، وليه انا شاب ليه تظلمني وانا من دور ولادك، ومصالح بينه وبين ناس كتير، وجريت ورا حقي وده اللي خلص عليا، وشهد وبصم ومضى ضدي، ومواجهتوش لان حقى عند ربنا، وكل يوم وطول العمر بقول حسبي الله ونعم الوكيل". وقال محمود كهربا، خلال استضافته ببرنامج "أسرار" مع الإعلامية أميرة بدر المذاع على قناة النهار: "انا بالانجازات اللي وصلتلها دلوقتي اكيد انا مش ظالم، وربنا كرمني، وانا عيل صغير بالنسباله وهرد عليه اقوله ايه، وعمره ما يعرف يرد عليا بحاجة، اتظلمت ظلم وحش اوي، وربنا جابلي حقي الحمدلله، وأحمد مجاهد في نفس مركب مجدي عبد الغني، وطول حياتي مشتمتش الزمالك، وبحترمهم جدًا، ولازم يعرفوا اني مظلوم، ولما غلط كنت في النادي، وغلطوا في أهلي، وأنا دخلت للزمالك مبلغ كبير في الإعارات حوالي 84 مليون في الوقت ده".
برنامج "أسرار" تقدمه الإعلامية أميرة بدر على شاشة النهار يومياً خلال شهر رمضان، في تمام الساعة التاسعة والنصف مساءً، تستضيف من خلاله عدد من نجوم الفن والرياضة والسياسة في مصر.