كهربا: «كنت النجم في الزمالك مش شيكابالا.. والجمهور بيعرف يعصبه»

علق لاعب النادي الأهلي محمود عبدالمنعم كهربا، على الأزمة بين شيكابالا لاعب الفريق الأول لكرة القدم بنادي الزمالك وجماهير القلعة الحمراء.
وقال كهربا: «وجهة نظري مبحبش اتكلم عن لاعبين خارج النادي الأهلي، طالما مش زميل ليا، وكان فيه مشاكل بين شيكابالا والجمهور، وانا صاحبت شيكابالا، والجمهور بيعرف يعصب اللاعب، وعارفين الدخلة بتاعته وازاي يضايقوه».
وأوضح: «جمهور الأهلي عمره ما يغلط في حد، ودي سابقات بين الجمهور وشيكابالا، معرفش مضى للأهلي ليه قبل كده، والأهلي طموح لأي لاعب في مصر وأفريقيا، وحلم لاي حد يلبس تيشيرت الأهلي».
وأضاف كهربا، خلال استضافته ببرنامج «أسرار» مع الإعلامية أميرة بدر المذاع على قناة النهار: «ماتشات الديربي لازم نكسبها، واحنا في الأهلي بنبقى داخلين عشان نكسب الماتش، لكن موضوع أن لاعبى الزمالك بيتربى جواها كره الأهلي ده معرفوش، واحنا في الأهلي عندنا سيستم اننا روح الجماعة، مش روح النجم الأوحد، وانا في الزمالك كنت انا ساعتها مش شيكابالا، وده ثقة مش غرور، ولعبي وأرقامي بيقولوا كده اني كنت أحسن وهو في حتة وانا في حتة».