مرتضى منصور يصدم الجميع: الزمالك مهدد بإيقاف النشاط .. عندنا 3 صفقات جديدة .. وفرج عامر رايحة منه ومستعد لزيارة الخطيب بشرط واحد

ظهر مرتضى منصور رئيس نادي الزمالك على قناة الزمالك مساء أمس الجمعة، وتحدث عن العديد من الأمور.
وأكد مرتضى منصور أن هناك 3 صفقات جديدة سيعلن عنهم الزمالك قريباً، مشدداً على أن الفنان الراحل هشام سليم كان رجلاً صاحب كلمة، وأنه امتداد لوالده صالح سليم رئيس الأهلي السابق، حيث قال: "هشام سليم رجل صاحب كلمة، هذا الشبل من ذاك الأسد، سأطلق اسم صالح سليم على شارع داخل نادي الزمالك، هو رمز الكرامة والكبرياء في الرياضة المصرية وعلمنا قيمته عندما مات".
ويستعرض موقع أخبار الزمالك، أبرز تصريحات مرتضى منصور خلال ظهوره على قناة الزمالك:
• ليس لي فضل في اسم نادي الزمالك، كنت محامياً شهيراً ولكن والناس عرفوني من نادي الزمالك
• الزمالك في كارثة بسبب تقديم ممدوح عباس شكوى لدى الاتحاد الدولي بحجة منحه قرض للزمالك، والنادي مهدد بإيقاف نشاطه الرياضي بسبب شكوى عباس
• بطمن الجمهور عندنا 3 صفقات، فيريرا قال دول زيادة بس أنا شايفهم كويسين وهو كمان، أمير وفيريرا شايفين أن كده كفاية والفريق كدة بقى مكتمل
• إبراهيما نداي كان بيلعب في احسن نادي في سويسرا، زكريا الوردي كان في انديه في فرنسا وخناقه بين الرجاء والوداد عليه وجبته، مصطفى الزناري أحسن مدافع في مصر وعمر جابر ودونجا احسن خط نص في مصر كل ده مش عاجبكوا؟ كويس إن إحنا جبنا كل دول والحسابات محجوز عليها
• أنا كنت مجبش أي صفقات، واللاعيبة دي كسبت الدوري ومش محتاجة تدعيم، الأهلي اللي محتاج تدعيم عشان مركز تالت، أنا بعافر عشان جماهير الزمالك اللي بجد
• سامسون جاي النادي قريب، ربنا يسهل والأزمة تفك وهجيب 3 لاعيبة كمان، هتتفك عشان فيه دولة محترمة، كل أجهزة الدولة دلوقتي بتتحرك عشان مؤسسة كبيرة مش مرتضى منصور
• مع احترامي للأستاذ محمد مصيلحي، محدش عرض عليه أوباما ولا محمود علاء ولا سيف جعفر ولا 20 مليون، أنا بحترمه لكن هو بيقول كلام محصلش، أنس أسامه مضى مع مصيلحي أيام حسين لبيب، فرط فيه زي فرجاني ساسي وأسامه فيصل وحسين فيصل وجنش وصبحي وغيرهم، عقد أنس اسامه بتاريخ 20 إبريل 2022، محمد عبدالمطلب عضو اتحاد السلة هو اللي مسيطر على أبوفريخة والصديق الصدوق لعمرو مصيلحي، مش معقول يا أخ أبوفريخة يبقى فيه نزاع بين الزمالك وبين الاتحاد وفي عضوين من الاتحاد السكندري عندك، الاخ محمد عبدالمطلب كاره نفسه وكاره الزمالك، دي أول مرة كنت أمضي عقد لاعب سلة، أنا كنت بفوض جلال إبراهيم و خالد لطيف دايماً، لكن دي أول مرة أمضي بشخصي، العقد كان هينتهي مايو 2024، وبعتنا جواب بنشتكي لاتحاد السلة أن أنس أسامة لاعب الزمالك ومن حق نادي الزمالك مع احترامي للاتحاد السكندري و جمهوره
• فرج عامر راحت عليه بقاله 30 سنة رايحة منه، كل يوم يصحى الصبح يضرب 3 تويتات بس بدل ما ينزلهم في الحمام بينزلهم على صفحاته ويقرفنا إحنا
• أنا ومجلسي مستعدين لزيارة لأهلي لو الخطيب وجه الدعوة لينا، لكن أكيد الخطيب مش هيوجه لينا الدعوة عشان إحنا فقراء مش هنعرف نجيب هدايا وساعات وإحنا رايحين الزيارة

اقرأ أيضًا:
مرتضى منصور يتصدر الترند بعد إطلاق أسم صالح سليم على شارع فى الزمالك ويزف بشرى خير بالكشف عن ثلاث صفقات جديدة وصرف رواتب شهر أكتوبر لعمال الزمالك ويرفض الصلح مع ممدوح عباس