مرتضى منصور يدعو الخطيب لحضور إحتفالية الزمالك بالدوري ويكشف عن صفقتى نداي والوردي ويؤكد عملنا معجزة رغم وجود مدرب خاين وهروب 14 لاعب

محمود هنداوي
أطلق المستشار مرتضى منصور ، رئيس نادي الزمالك تصريحات نارية عقب فوز الزمالك ، بالدوري للمرة الرابعة عشرة فى تاريخه والثانية على التوالي معربا عن سعادته بهذا الإنجاز وتأكيده على إنه سيكون هناك إحتفالية تبدأ من لقاء الإتحاد السكندري ، موجه الدعوة إلى كل رؤساء الأندية بما محمود الخطيب رئيس النادي الأهلي لحضور إحتفال الزمالك ببطولة الدوري كما كشف عن نجاح الزمالك فى التعاقد مع المغربي زكريا الوردي والأيفواري إبراهيم نداي .
وقال مرتضى منصور في تصريحات لبرنامج "زملكاوي" مع طارق يحيى على قناة الزمالك :أن الظروف التي حدثت غير طبيعية ولم تحدث لأي نادي في العالم، وكان منها وجود مدرب خائن وهو كارتيرون كان عايز يهرب السعودية، والفريق كان عنده إيقاف القيد
واستكمالا لهذه الظروف الصعبة اعطي مثالا برحيل عدد من اللاعبين ومنهم أسامة فيصل وحسين فيصل وجنش ومحمد صبحي، وأحمد عيد ومصطفى محمد وأبوجبل فرجاني ساسي و 14 لاعب، ووجه حديثه ل محمد صبحي ولا تعدى قدام الزمالك ولا عايز اشوف خلقتك جوه النادي.
واستكمل رئيس الزمالك قائلا جيت لقيت كل الفرق الرياضية منقسمة ثلاثة أقسام بسبب غياب العدالة، لكن دلوقتي الروح والعدل رجعت لكافة الفرق، وبقيت أصرف نفس المكافأة للاعب الاحتياطي أو المصاب
وبالاشارة للأهلي قال
مرتضى منصور ، فيه ناس بس بتجرب الناشئين وعايزة ترجع الشيخ طه ومختار مختار ومصطفى عبده يلعبوا من تاني لكن انا بقولهم العدالة هى الأساس ولنا في قصة قابيل وهابيل وأخوة سيدنا يوسف عبرة
واوضح مرتضى منصور ، ان الزمالك بقى مفيهوش شلل، واللاعبين حصل عندهم حالة انضباط بعد قرار عدم التجديد للاعبين اللى عقودهم تنتهي بنهاية الموسم، لما حدد ليهم يوم معين للتجديد محدش جه
وعن الصفقات بعد رفع القيد أعلن التعاقد مع زكريا الوردي وتم الكشف عليه وسليم ومفهوش اى إصابة للناس اللى قالت انه مصاب وهو قد طارق حامد 15 مرة.
وأيضا تم التعاقد مع إبراهيم نداى لاعب لوزيرن السويسري، عايز الناس تشوفة لاعب وحش، ويقدر يعوض أشرف بن شرقي، تم اختيارة عن طريق امير ولجنة الكرة وحاجة كده زى كوارشي وإيمانويل أمونيكي
وأتم انه تم التعاقد مع مجموعة محترمة من اللاعبين المصريين وتم التعاقد مع الصفقات اللى الفريق محتاجها فقط
وعن الاحتفالية ومبارة الاتحاد السكندري اليوم اكد منصور ، انه تم دعوة محمد مصيلحي رئيس الاتحاد السكندري وغيره من رؤساء الأندية لأننا معندناش أزمة مع أي نادي
وقال رئيس الزمالك : ياريت الكابتن الخطيب يقبل دعوتي لحضور ماتش بكرة، لأننا في رياضة مش خناقة، وبقوله لو جيت هنعملك ممر شرفي ونرحب بيك، وبدعوا مجلس إدارة الأهلي بالكامل برئاسة الكابتن الخطيب، اهلًا بيكم معانا انا هعملك ممر شرفي
واستكمل مرتضى منصور ، توجيه حديثه للخطيب قولنا انت مين هل انت الكابتن زيزو أو غيرة من رموز الأهلي، بقوله أهدى لأن بلدنا والرئيس شايف عندنا مشاكل إقتصادية وأمنية أهم وبقوله اهدى يا بنى انت مين
الضغط اللى انت عاملة خليت وزارة العدل تطلع بيان علشانكم في النهاية مخدتش حاجة انا خدت منك كأس ودوري، الزمالك النهاردة فيه ربع مليار جنية، ومفيش لاعب ليه جنية في الزمالك، ده غير فلوس كهربا اللى هيدفعها غصب عنه
وتسائل هو مش كهربا ده الأهلي هو اللى هربة، وحاليا مش راضيين يدفعوا له الفلوس ولو اتاخر في الدفع فيه فوائد، ومخدناش قرش لسة من الشركة الراعية
واكد انه لا حديث عن تجديد عقد أي لاعب في الوقت الحالى ، هل سيتم تجديد عقد فيريرا ؟فيريرا فوق الدماغ
واعلن ان هناك قعدة مع محمد مصيلحي ونشوف موضوع انس اسامه ولن نختلف ، ابعد يا ابوفريخه انت ومحمد عبدالمطلب عن الموضوع لن نختلف على لاعب
في جلسه وهنخلص كل حاجه مع محمد مصيلحي ،ممكن اعملك بلاغ كاذب يامحمد عبدالمطلب انت مضيت على عزلي
كما اعلن مرتضى منصور تواجده في الاستاد من أجل تسليم الدرع وعاملين احتفالية في الاستاد وفي نادي الزمالك، ومبروك لجمهور الزمالك العظيم