ماما

صحيني لصلاة الفجر
بكرة مسابقة كل شهر
ماما أوعي تنسى أختي بدور
هتسمع بكره سورة النور
ماما أنا حفظت الواجب من القرآن
حفظت لغاية سورة الرحمن
ماما أنا لما أكبر هبقى خدام للدين
هنشر ديني واحترم دين التانيين
ماما قولي لبابا يشترى لى كراس
أبويا بيحلم لي أكون أحسن الناس
***
ماما أنا صليت الفجر جماعة
يا ماما فاضل على الأتوبيس ربع ساعة
***
ماما أنا سامع الأتوبيس بيناديني
هياخدني على معهدي ويوديني
وهناك تعظيم سلام لعلم مصر
طوابيرنا يا ماما نظام سطر بسطر
ماما أنا نازل للأتوبيس الحق كرسي
دايماً باناديكي ياترى بتسمعي حسي؟
باسمع دقات قلبك يا حبيبى وأنت بعيد
ولما بترجع لى بالسلامة بيبقى يوم عيد
***
مع السلامه ياعنيه
تروح وترجعلى بصحة عفية
اوعى تنسى السندوتشات
كل واشرب قبل الصلوات
***
ماما كسروا كل اقلامى
ماما حطموا كل احلامى
ماما سطروا بدمى كلمة وداع
بعد خروجى مسحوا اسمى بقيت متاع
***
ماما أنا معايا أحن أنيس
ماما أنا فى حضنى أطيب جليس
ماما أنت عارفة أنا حفظت الواجب من القرآن
وانت عارفه منزلة الحافظ ل آل عمران
***
ماما انت عارفه انى طالب علم بقيت شهيد
روحى معاكم كل يوم كأنى وليد
***
ماما دمى على قلبى حنوط
ماما دى رسالتى لكل اهل اسيوط
***
نصر فتحى اللوزى
الدقهلية - أجا