طريقة عمل كيكة إسفنجية هشة.. سهلة ولذيذة للفطار

الكيكة الإسفنجية من أكتر الحلويات اللي بتتعمل في البيوت، لطعمها الحلو وخفتها، وكمان بتكون اختيار مثالي للأطفال على الفطار أو حتى في المناسبات،تعالي نشوف مع بعض الطريقة بخطوات سهلة.
المكونات:
5 بيضات
كوب دقيق منخول
كوب إلا ربع سكر
ملعقة صغيرة فانيليا (سائلة أو بودرة)
نصف ملعقة صغيرة بيكنج باودر
رشة ملح
طريقة التحضير:
سخني الفرن على 180 درجة، وادهني القالب بالزبدة ورشي عليه شوية دقيق.
في بولة كبيرة، اخفقي البيض مع السكر والفانيليا بالمضرب الكهربائي حوالي 7 – 10 دقايق لحد ما يبقى الخليط هش وكثيف.
انخلي الدقيق مع البيكنج باودر والملح، وضيفيهم تدريجيا على خليط البيض مع التقليب بهدوء من تحت لفوق بملعقة خشب، علشان يحتفظ بالهواء.
صبي الخليط في القالب، وادخليه الفرن 25 – 30 دقيقة، جربي بعود خشب في النص، لو طلع نظيف يبقى الكيكة استوت.
سيبي الكيك يبرد 10 دقايق في القالب، بعدين طلّعيه وحطيه على شبكة معدنية لحد ما يبرد خالص قبل التقديم أو التزيين.
كيكة إسفنجية هشة وخفيفة، تنفع للفطار مع كباية شاي أو لبن، وأولادك هيحبوها جدا.