خان الأمانة.. حمو بيكا يكشف تعرضه للسرقة من مساعده

كشف مؤدي المهرجانات حمو بيكا عن تعرضه لعملية سرقة من صديقه المقرب الذي قال إنه يعمل معه، مشيرًا إلى أن السارق قرر تنفيذ العملية خلال خروج الأول من منزله، من خلال استخدام مفاتيحه الخاصة التي استأمنه عليها.
ونشر «بيكا» صوراً لمن قال إنه «السارق وشريكه» عبر «فيسبوك»، وكتب: «توضيح هام اللي في الصورة ده شغال معايا مساعد بقاله 6 سنين وكان دراعي اليمين في كل حاجة ويدخل بيتي وسط أهلي ومراتي وعيالي ومفاتيح عربياتي وبيوتي بيبقوا معاه ومكنتش بآمن لحد يشيل أي حاجة ليّا غيره.. فجأة ظهرت الخيانة عمل نسخ على مفاتيح بيتي».
وأضاف حمو بيكا: «وطلع وجاب شخص تاني اللي في الصورة التانية ده اسمو حسن فني تكييفات وصحبه من عندو من المنطقة، وطلع سرق تكييفات وتلاجة وميكروويف وبلاي ستيشن وحجات كتير من شقتي وأنا مش موجود طب ليه!! مع أني ولا عمري قصرت معاه ولا في شغل ولا في بيته ولا مع أهله وكان بيلبس من لبسي وينام في بيتي وياكل في بيت».
وتابع حمو بيكا: «خان عشرة سنين وخان كل حاجة وفجأة بدون سبب ساب شغلي ومشي ومدير أعمالي كلمو انو يرجع شغل مكنش بيرد على تليفون نهائي وطلعت لقيت شقتي مفتوحة بعد فترة لما مشي من شغل مجاش في بالي لحظة إن هو اللى يعمل كده طبعا انا مصدوم من اللى حصل».
وأوضح: «توجهت إلى قسم شرطة العجوزة ووحدة المباحث مشكورة نزلت فحصت موضوع سرقة خالد.. وجالي مسروقات بتاعتي اللي في الصور ولسه في حاجات تانية أنا اتنازلت عن محضر ومردتش أسجنه علشان خاطر والدته وأهله».
واختتم حمو بيكا: «ياريت يا جماعه محدش يآمن لي أي حد يشتغل معاه لازم يكون واثق في معدنه وأصله، وخالد ده مش شغال معايا ده شخص حرامي وخاين وناس تخلّي بالها منه ولا تشغلوا في أي حتة وحسن فني تكييفات ده ياريت محدش يدخل معاه في شغل.. حسن ده معروف عنه إنه حرامي ونصاب وحسبي الله ونعم الوكيل».