على البيلي عن «لام شمسية » :رفضت الدور في الاول

كشف الطفل على البيلي عن دوره في مسلسل " لام شمسية "، في تصريحاته ل برنامج كلمة أخيرة تقديم الإعلامية لميس الحديدي ان الأستاذ كريم الشناوي مخرج المسلسل أتكلم معايا وشرحي لي الدور اللى هقوم بيه، واقنعني ومش عارف ازاي أقنعني قالي كلام دخل قلبي في تلك اللحظة انهارت الفنانة امنية خليل بالبكاء وقالت والله يا علي انت دخلت قلبي وانا بتعلم منك .
وتابع : انا في الأول مودي شاهين كلم ماما عن الدور وحكي المسلسل بيتكلم عن ايه وفى بداية الامر قولت لوالدتي أنا مش عايز اخد الدور وخايف من ردود أفعال الناس وعدي أسبوعين عن اللقاء وقولت لماما انا مش عايز الدور خالص وقالت لي خلاص براحتك ".
وتحدث على البيلي عن ردود أصدقائه حول دوره في مسلسل لام شمسية قال علي البيلي : "معظم اصحابي متفرجوش علي المسلسل ماماتهم وباباهم رفضوا يتفرجوا عليه "
واستكمل على البيلي :" لكن كل الحاجات اللى شوفتها على التيك توك والانستجرام ان المسلسل في حاجة مهمة ومثير للجدل "
واستطرد علي البيلي : انا تعلمت من مسلسل لام شمسية ان الموضوع ده بيحصل كتير وانا مكنتش فاكر ان موضوع المسلسل منتشر كنت فاكر ان الموضوع برة بس
وأختتم علي البيلي: " أنا مثلت في الكبير قوي واللعبة وليه لأ وأنا بدأت في المدرسة وكان عندي 5 سنين وبدأت في مسرح المدرسة وكنت بطل المسريحات ومما اخدتني علشان اعمل اوديشن في القاهرة وكل سنة كنت بعمل دور صغير في المسلسلات وكان اخرها لام شمسية " .
أبطال مسلسل " لام شمسية "
مسلسل "لام شمسية" من بطولة أمينة خليل وأحمد السعدني ومحمد شاهين ويسرا اللوزي وأسيل عمران وصفاء الطوخي وثراء جبيل وياسمينا العبد وعلي البيلي.