علي البيلي: قلت لماما أنا خايف بسبب دوري في «لام شمسية»

تحدث الطفل علي البيلي عن ترشيحه لتجسيد شخصية "يوسف" في مسلسل "لام شمسية"، قائلا: "جاء من خلال اتصال هاتفي تلقته والدته، أخبروها فيه بوجود دور لي في عمل درامي ضمن السباق الرمضاني، دون توضيح لطبيعة الدور أو تفاصيل الشخصية".
وأضاف علي البيلي خلال لقائه في برنامج "كلمة أخيرة"، مع الإعلامية لميس الحديدي عبر قناة ON: "بعد كده عرفت الدور وأنا رايح مع ماما للأوديشن وقلتلها: مش عايز أروح، أنا خايف آخد الدور، وخايف الناس تقول إيه؟! فقالتلي: براحتك، اللي أنت عايزه".
وتابع علي البيلي: "بعد حوالي 3 أسابيع، كلموا ماما تاني وقالولها إن كريم الشناوي عايز يشوفني، وهي أقنعتني إن دي فرصة أقابله حتى لو في أعمال قادمة".
وأردف: "لما قابلته شرحلي إن الدور مهم وبيخص ناس كتير، ووقتها مكنتش فاهم أوي، بس لما بدأ يشرحلي أكتر، اقتنعت، وكلامه دخل قلبي ومعرفش أقنعني إزاي".
تفاصيل مسلسل «لام شمسية»
مسلسل «لام شمسية» من تأليف مريم نعوم (ورشة سرد) وإخراج كريم الشّنّاوي، ومن بطولة أمينة خليل، وأحمد السّعدني، ومحمّد شاهين، ويسرا اللوزي، أسيل عمران، علي البيلي، وثراء جبيل، وصفاء الطّوخي، إلى جانب عدد آخر من الممثّلين.