عمرو أديب بعد توديع الزمالك الكأس: «إيه حالة التراخي دي»

علق الإعلامي عمرو أديب، على توديع نادي الزمالك لبطولة كأس مصر، عقب خسارة الفريق الأبيض أمام نظيره طلائع الجيش، في دور ال16 من البطولة، بركلات الترجيح.
اقرا ايضا| تطورات ملف تجديد عقد محمد عواد مع الزمالك..قرار حاسم من النادي
وقال أديب، خلال برنامج «الحكاية»، عبر فضائية «إم بي سي مصر»، مساء الخميس: «لما الأهلي انسحب من الكأس، قلنا الكاس هيروح لأجدع ناس، لقينا الزمالك محتاس... لو أنت زملكاوي إحساسك ايه كيف تشعر هذا الموسم؟ إيه هو الشيء اللي ممكن يخليك تكمل زملكاوي!!».
وأضاف: «إيه اللي بيحصل، فين اللعيبة، سيبتوا المدرب يسافر ليه؟! إيه حالة التراخي دي؟! إيه فكرة ما نستنى السوبر، هنتغلب في السوبر، باللعيبة والشكل والروح دي هنتغلب في السوبر، وهنتغلب بسكور كبير كمان».
الفرق بينا وبين الأهلي فراسخ
وتابع «أديب»: «الفرق بينا وبين الأهلي فراسخ، مسافات يا حبيبي مسافات، إدارة الزمالك بتعمل إيه؟! فين الكورة، فين اللعب، فين المدرب؟! تعبت وزهقت، شوفوا حل يا جماعة».
وأكمل: «في برود شديد عند الإدارة وعند الجمهور، هذا الأمر أصبح معتاد، كنت انسحب من الكأس أكرملك، هتقولي أصل أنا كنت خايف من العقوبة، هقولك ليه هما كانوا هيعاقبوا الأهلي؟!».