أول تعليق من هنا الزاهد على علاقتها بأحمد فهمي بعد الانفصال

حلت الفنانة هنا الزاهد اليوم ضيفة في برنامج كلاكيت مع المذيعة لينه الطهطاوي على نجوم اف ام.
وكشفت خلال البرنامج عن حقيقة علاقتها بأحمد فهمي بعد انفصالهم:" هو اي اتنين الحياة مش كلها فوق في اوبسن داون يعني الحياة مش كلها وردي مش كلها وحشة مش لازم ان كل اتنين مع بعض يسيبوا بعض يبقى في مشاكل هو دايما يقولك اي دة متخانقوش هو في على فكرة ناس مش بيتوفقوا مع بعض والنصيب مبيكملش بس بيبقوا في منتهى الشياكة والاحترام".
وتابعت:" لان احنا في الاخر كنا صحاب في الاول وفي بينا عشرة كبيرة خمس سنين فاكيد في بينا احترام وهو شخص محترم جدا يعني احنا شوفنا بعض في joyawards وسلمنا على بعض وعادي وهو صديق وزميل كمان في نفس المهنة لا هو لية كل احترام وهو عشرة كبيرة واي حد يتكلم كلام اللي هو اي دة وطبعا اي حد يجيب سيرة حد تابعة او هو بحد ايدي في عينه دة عشرة كبيرة طبعا دة مش هزار".
واستكملت:" الحياة مش كلها بتمشي في حاجات بتضطري انك لا خلاص النصيب لحد هنا مش معناة ان هو وحش او انا هو النصيب كدة في الاخر والحياة بتكمل وفي الاول بتبقى حاجة صعبة جدا لان دة على العشرة في الاخر الحياة مكملة ولازم تقفي وتكملي والحمد لله يعني انا تمام ومبسوطة وهو مبسوط جدا واحنا صحاب بس كدة".
واختتمت حديثها:" اصل في ناس بتبقى مضايقة جدا لا الحياة قصيرة جدا يعني لازم تشوفي حياتك وهو يشوف حياته وميبقاش في حاجة بينا زعلانين من بعض انا والله العظيم مافي اي حاجة ضغينا عادي لو عايزة اي حاجة هكلمة وهو لو عايز اي حاجة يكلمني احنا صحاب في الاخر".
وأعلنت هنا الزاهد مؤخرا انفصالها عن أحمد فهمي وذلك عبر خاصية الاستوري على موقع إنستجرام وعلقت قائلة:"الحمد لله تم الانفصال بينى وبين أحمد بعد 4 سنوات زواج وربنا يكتب لكل واحد فينا الخير".
اقرا ايضا | هنا الزاهد تتألق وتخطف الأنظار في حفل «JOY AWARDS»