«أمهات مصر» تستعرض مطالب أولياء الأمور من المعلمين في العام الجديد

وجهت عبير أحمد، مؤسس اتحاد أمهات مصر للنهوض بالتعليم، وائتلاف أولياء الأمور، سؤالا لأولياء الأمور تضمن: "ايه مطالبكم من المعلمين في العام الدراسي الجديد بجميع المراحل التعليمية.. شاركونا بتعليقاتكم".
اقرأ أيضا: محافظ القليوبية يتفقد جاهزية المدارس لاستقبال العام الدراسي الجديد
وانهالت عشرات التعليقات من جانب الأمهات من أولياء الأمور بمختلف المراحل التعليمية، وذلك على صفحة الإتحاد والائتلاف، في "فيس بوك"، حيث قالت ولي أمر: "يبقى في معلمين في المدارس وشرح المناهج مش نروح المدرسة بس علشان الغياب وتضيع وقت على الفاضي".
وأضافت أخرى: "تخفيف العبء عن ولي الأمر، يعني مش لازم طلبات كتير، كمان يهتموا بتصحيح الواجبات ويشرحوا الدروس بدقة ويسمعوا الطلاب لو مش فاهمين، الشرح والتفاعل فالفصل أهم من النقل على السبورة، انا عارفه ان وقت الحصة قليل وهو مطالب من الموجه الخاص بالمادة إن طلابه تكون كراريسهم كاملة ولكن بالنسبة لينا كأولياء أمور عايزين الطفل يرجع فاهم وحافظ ومردد الدرس من المدرسة، كمان بلاش إهانة والفاظ مش كويسة وتمييز الطلاب عن بعض من جانب البعض".
وتابعت: "ابني في مدرسة حكومية إعدادي، مدرسين قليله بس اللي بتشرح في الفصل، ياريت يكون في شرح مش ضياع وقت علي الفاضي".
وتستكمل ولي أمر أخرى: "الاهتمام بالشرح في الفصل زي الدرس الخصوصي وزي السنتر لأن ده واجب المدرس نحو تلاميذه، وعلي الوزارة توفير معلمين لأن المدارس بها نقص في المعلمين، وياريت ميحصلش زي العام الماضي ويطلب من أولياء الأمور أنهم ينزلوا ويعطوا حصص بالمدارس تطوعي، نحتاج إلى مدرس تربوي معه شهاده تؤهله أنه يدرس لتلاميذ مش كل واحد معاه مؤهل عالي ينزل يدخل ويشرح".
وذكرت ولي أمر: "مطلوب فقط إن الطالب يرجع من المدرسة مش محتاج حد تاني يشرح له دروسه".
ومن جانبها، قالت عبير أحمد، مؤسس اتحاد أمهات مصر للنهوض بالتعليم، وائتلاف أولياء الأمور، أنه على المعلمين أن يعتبروا الطلاب أبنائهم ويعاملونهم من هذا المنطلق، وكذلك مراعاة ظروف أولياء الأمور والحرص على مصلحة الطلاب في جميع المراحل التعليمية.