أمهات مصر: تطبيق قانون تجريم الدروس الخصوصية بدون إعادة دور المعلم في الفصل لن يؤدي الغرض

قالت عبير أحمد مؤسس اتحاد أمهات مصر للنهوض بالتعليم، إنه لابد من اتخاذ مجموعة من الإجراءات في المدارس بالتوازي مع تطبيق مشروع قانون تجريم الدروس الخصوصية الذي انتهت من إعداده وزارة التربية والتعليم وعرضه علي البرلمان قريبا.
وأضافت عبير، أنه لابد من إعادة دور المدرسة والمعلم في الفصل، بحيث يقوم المعلم بشرح المنهج كاملا وبطريقة سلسلة ووافية بنفس الطريقة التي يقوم بالشرح بها داخل السناتر ومراكز الدروس الخصوصية، وكذلك توفير راتب للمعلم يحقق له حياة كريمة حتي لا يلجأ للدروس الخصوصية.
واستطردت عبير: "بعد ما تخلي المعلم يشرح كويس في الفصل والطالب يفهم منه، وياخد مرتب محترم، وتعمل مناهج مناسبة مع وجود قانون تجريم الدروس الخصوصية، كده العملية التعليمية هتنضبط والدروس الخصوصية هتختفي تماما"، وتابعت: "لكن هتعمل قانون لتجريم الدروس
الخصوصية في ظل الوضع الحالي كما هو يبقي بدون فايدة وهتحجم السناتر فقط لكن الدروس هتتاخد في البيت"، مؤكدة علي أهمية القانون ولكن مع اتخاذ كل الأجراءات السابقة.
وتفاعل أولياء الأمور علي صفحة اتحاد أمهات مصر للنهوض بالتعليم علي الفيس بوك، حول أهمية تطبيق قانون تجريم الدروس الخصوصية، حيث قالت ولي أمر: "لما يبقى فيه تدريس صح فى المدارس يبقى نلغي الدروس الخصوصية، وبعدين ولى الأمر هو اللى ببختار مدرس الدرس بكامل إرادته محدش بيخصب عليه علشان مصلحة ولاده"، وأضافت أخري: "لا طبعا، أوجد البديل للطالب والمدرس وبعدين جرم الدروس الخصوصية".
وتابعت ولي أمر أخري: "لما يعالجوا المرض هيخف المريض، اذا وجد
الماء بطل التيمم، أولياء الأمور مجبرين عليها وبتعتبرها مسكن"، واستكملت أخري: "لو الدروس اتلغت التلاميذ هتسقط لأن المدارس مبتعلمش حاجه ولا المجاميع المدرسيه لها أي استفاده غير إن المدرس ميحطش التلميذ في دماغه وبس".
وقالت ولي أمر: "ميقدرش يجرمها لأن في أطفال بتحتاج مساعده لکن علي الأقل يمنعوا موضوع السناتر ده ويعملوا عقوبات شديده علي المدرسين اللي مش بيشرحوا في الفصول واللي بيضغطوا علي الطلبه عشان تاخد دروس ويتصرفوا في موضوع درجات الأنشطه ده، الموضوع يتحجم يعني"، وأضافت أخري: "لا يمكن دون أن يجرم عدم الشرح بضمير داخل المدارس لكى لا يحتاج الطالب اللى الدروس الخصوصية".
وذكرت ولي أمر: "أولا يجب على المدرسة والمدرس القيام بواجبهم وشرح الدروس كما يجب فى المدرسة وعمل حصص تقويه بعد المدرسة بسعر رمزى حتى نعوض نقص الدروس الخصوصيه، ومن العام القادم إن شاء الله نكون تخلصنا تماما من الدروس بعد تحفيذ المعلم ماديا ويكون راتبه مش اقل من 5000 جنيه حتى يعطى بضمير وإخلاص فى عمله".