إمام عاشور يكشف كواليس مشادته مع الأمن في احتفالية الدوري.. وحقيقة مطالبته بتعديل عقده

كشف إمام عاشور، لاعب خط وسط الفريق الأول لكرة القدم بالنادي الأهلي، عن حقيقة مطالبته بتعديل عقده، وتفاصيل المشادة مع الأمن في احتفالية الدوري المصري.
وقال إمام عاشور، خلال تصريحات تليفزيونية: «كنا عايزين نلعب ماتش الزمالك وحاولنا نلاقي 100 حل عشان نلعب بس طبعًا قرار الإدارة لازم يُحترم.. وعمرنا ما حسينا إن الدوري بعيد عننا».
وأضاف: «مطالبتي بتعديل عقدي بعد ضم زيزو وتريزيجيه؟ ماحصلش خالص أي حاجة من الكلام ده.. وصفقات الأهلي الجديدة إضافة كبيرة للفريق».
وتابع: «عرض كبير من الخليج؟ بغض النظر أنا عمري ما همشي والجمهور زعلان مني، وطبيعي يكون في عروض لأني في الأهلي، وأنا تحت أمر النادي في أي حاجة».
وأردف: «مواجهة ميسي؟ شرف كبير لينا مواجهة أفضل لاعب في العالم ولكن احنا الأهلي بطل إفريقيا والعالم كله يعرف ده».
واسترسل: «مشادة مع الأمن في احتفالية الدوري؟ دخلت آخد بنتي عشان ننزل الملعب ولقيتهم قفلوا البوابة ورفضوا إني أرجع الملعب وكان معايا الشناوي ومصطفى شوبير بس الكاميرا صورتني أنا بس».
واختتم: «وسام أبو علي قال لي بدل معايا وخليك رأس حربة عشان الكرة تيجي لك وتجيب جول.. وكنت عارف إن حسين الشحات هيباصي لي الكرة عشان أسجل».