اتحاد أمهات مصر: 89% من أولياء الأمور يرفضون تفعيل تسجيل الغياب بالمدارس

أجرت عبير أحمد، مؤسس ائتلاف أولياء الأمور، واتحاد أمهات مصر للنهوض بالتعليم، استطلاع رأي حول قرار وزير التعليم بتفعيل تسجيل الغياب بالمدارس خاصة علي طلاب الشهادتين الإعدادية والثانوية.
وتضمن الاستطلاع الذي شاركت فيه مئات الأمهات علي صفحة ائتلاف أولياء الأمور وإتحاد أمهات مصر، في الفيس بوك: "مع أم ضد.. تفعيل تسجيل الغياب بالمدارس خاصة طلاب الشهادتين الإعدادية والثانوية، مع ذكر الأسباب؟"، حيث جاءت النتيجة: 89% ضد تفعيل الغياب بالمدارس، و11% مع تفعيل تسجيل الغياب المدارس.
وأشارت عبير أحمد إلي أن الهدف من استطلاع الرأي هو سماع آراء وملاحظات أولياء الأمور، وذلك في إطار الحوار المجتمعي الذي دعا إليه الدكتور رضا حجازي، وزير التربية والتعليم والتعليم الفني، في كافة القضايا المتعلقة بالعملية التعليمية.
و انهالت مئات التعليقات علي استطلاع الرأي من جانب الأمهات من أولياء الأمور، ذاكرين موقفهم من القرار وأسبابهم، وقالت ولي أمر: "مفيش وقت خالص واليوم بيروح والطالب بيبقى مجهد دون جدوى وفي عجز رهيب في المدرسين يعني مروحهم مالوش لازمه".
وأضافت ولي امر أخري: "لو المدرسة دورها فعال والطالب فعلا بيستفيد وقتها نفعل دور المدرسة والغياب ولكن المراحل دى بتكون محتاجه تركيز أكبر، فلو مش بيحصلوا كويس فى اليوم الدراسي أو بعض المعلمين دورهم مش فعال يبقى الأفضل يكون إختياري للطلاب".
وذكرت ولي أمر أخري: "لما يصدر قرار المفروض يصدر بناء على الواقع، عدد كبير من المدارس الحكومية ليس بها فصول أو مدرسين لثانوى عام أو إعدادية؟، إذا كان صفوف النقل اللى بتحضر كل يوم الفصول بتضم على بعضها أو حصص فاضية، عاوزين الشهادات يروحوا يعملوا ايه يتشمسوا فى الحوش؟، ولا تضييع وقت وخلاص، عاوز تعمل غياب وحضور خلى المدرسة زى السنتر، وفر مدرسين وفصول يشتغلوا الأول".
واستكملت ولي أمر: "حضرتك من غير ما الشهادات تنزل في عجز فصول ومدرسين، تفتكري لو نزلوا فعلًا الوضع هيكون إزاي؟، ياريت يبقى الحال على ماهو عليه لحد ما يلاقوا حل لعجز المدرسين والفصول"، وتابعت أخري: "الوزارة فيها عجز مدرسين، المدرسة تضييع وقت بالنسبة للطلبة وخصوصا الشهادات، الوزارة اقرت السناتر يعني معترفه إن الأولاد بعد المدرسه عندهم سنتر، ليه نتعب الطالب والمدرس ونزود الاحتقان".
بينما أيد عدد قليل من أولياء الأمور قرار تسجيل الغياب، حيث قالت ولي أمر: "للأسف من ساعة حوار الكورونا الأولاد بقى عندهم استهتار رهيب بالمدرسة، وللأسف بعض أولياء الأمور بتساعدهم علي كدا الموضوع بالنسبة لهم مجرد دروس خصوصية في البيت، ودا أصبح للأولاد أسهل طرق مع إن المدرسة ليها عامل كبير والله في توصيل المعلومة للطالب، ودا راي الشخصي انا مع تفعيل الغياب وكفانا استهتارا بالذهاب إلى المدرسة".