حرص مطرب المهرجانات الشعبية حمو بيكا، على دعم محمد عامل النظافة، صاحب واقعة «الكشري»، متمنيًا مقابلته كما أنه يجهز مفاجأة له. اقرأ أيضا : بعد طرده من «كشري التحرير»| العوضي ل«عامل النظافة»: «متزعلش يا أخويا» ونشر حمو بيكا صورة عامل النظافة عبر صفحته على موقع التواصل الاجتماعي، فيسبوك، وعلق عليها قائلا: "محمد الجدع. ويا ريت يكون ده اسم شهرتك في الدنيا بعد كده.. عشان أنت جدع بجد وتستاهل كل خير. وتابع:"ورسالة من أخوك حمو بيكا" أنا معاك يا حبيبي في أي حاجة محتاجها في حياتك من الألف إلى الياء، ومتشغلش بالك بأي حاجة، إحنا كلنا في ضهرك ومش هنسيبك لأنك مثال للإنسان الشقيان، وطالع عينه في الحياة، عشان يجيب الجنية بعرق جبينه،ربنا يوفقك في حياتك، وأتمنى أشوفك قريب، وليك عندي مفاجأة كبيرة أوي، وإن شاء الله تعجبك يا حبيبي يا جدع". وكان مقطع فيديو طرد عامل النظافة من مطعم كشري بالدقي، قد أثار موجة عارمة من الغضب على مواقع التواصل الاجتماعي، الذي طالب مستخدموه بغلق المطعم، ومنهم من طالب بمقاطعته. وعند تداول الفيديو، تأثر الجميع من حالة الرضا والتسامح الذي لمسوها داخل قلب عامل النظافة المحترم، رغم انه تم التنمر عليه وطرده بسبب ملابس عمله، وتضامن العديد من نجوم الفن والمجتمع مع الشاب.
