أثارت الجدل.. أبرز تصريحات ياسمين عز ورضوى الشربيني عن الرجال

نورهان نبيل
البحث عن التريند والنجاح في أن تكون حديث السوشيال ميديا هدف يسعى له الكثير من المشاهير، وأصبح الحديث عن علاقة الرجل بالمرأة هو أسهل طريقة لتكون تريند، خصوصا وإن كان رأيك عكس المألوف ..
ياسمين عز ورضوى الشربيني مذيعتان نجحتا في الوصول للتريند بهذه الطريقة، وأرائهما وتصريحاتهما أثارت ضجة كبيرة .
ومن أبرز تصريحات ياسمين عز التي أثارت الجدل عن الرجال ..
1 -"البيت بفلوس الراجل وتيجي مراته تقوله اقلع الجزمة علشان السجادة.. ده أنا أحط فساتيني الماركات تحت رجله يمشي عليها.. بتزعقي لجوزك ليه عشان بيدوس على سجادة الصالون بجزمته.. ما هو جايبها بفلوسه".
2 - "الراجل عينه زايغة!!.. مهو طول ما بيشوفك ضاربة البوز وعاملة القمطة في شعرك هيطفش.. فين أيام ما كانت الست بتدلع جوزها وتديه أكبر حتة من الفرخة؟".
3 - "الست اللي بتقول لجوزها حاضر ونعم دي ملكة مش خدامة.. مصطلح الجارية ده هناك في مسلسل (حريم السلطان) مش عندنا".
4 - "الراجل من حقه يمسك تليفون مراته زي ما هو عايز والست مش حقها تمسك تليفونه وتتجسس عليه".
5 - "أكاد أجزم أن الرجل المصري أحن رجل على وجه الأرض، إحنا بطبعنا شعب طيب ورهيف الإحساس، طبيعي يكون حنين، مفتاح الرجل المصري معروف حاضر ونعم، هتمشي حياتك بحاضر ونعم هيطبطب ويدلع من هنا للصبح".
6 - "المركب اللى ليها ريسين تغرق، لازم قبل ما تتجوزي تكوني عارفة أن رئيس المركب هو الزوج قولا واحداً والكلمة الأولى والأخيرة ليه.. اقفلي على بيتك ومتسمعيش كلام حد مشاكلكم حلوها بينكم وبين بعض بأكله حلوة أو كلمتين حلوين".
ومن أقوى تصريحات رضوى الشربيني عن الحب والزواج والرجال ..
1 - "أنا منفصلة وبقولها بكل فخر ومن حقي أتزوج مرة واتنين وأربعة، لأن ده شرع ربنا في حالة عدم رضائي للزوج أطلب الطلاق فورًا وأبحث عن غيره".
2 - "وراء كل إمرأة عظيمة نفسها، وإن غابت نفسها فأمها، وإن غابت أمها فهي أختها، وإن غابت أختها فهي صديقتها، وإن غابوا جميعاً تعود نفسها".
3 - "متغيريش نفسك عشان خاطر حد يحبك، أو عشان حد يقبلك، متغيريش نفسك عشان خاطر حد يتجوزك، مش مهم، كوني إنتي، كوني نفسك، كوني هي، عشان هي أحلى حاجة في الدنيا ".
4 - "اتجوزي الراجل اللي يخليكي سعيدة، اتجوزي الراجل اللي ميخلكيش تلفي حوالين نفسك، اللي حتى لو هو مش موجود تحسي أنه موجود حواليكي، وتحسي بأمان، وإن عندك ظهر وسند".
5 - "الست مش محتاجة رجل وسيم أو غني أو مشهور.. الست محتاجة رجل يحتويها ويهتم بيها ويحن عليها وبس".
6 - "اللي عايزنا لازم يتقبلنا زي ماحنا بشعرنا المنكوش، بشكلنا، بطريقتنا، بضحكتك بفرحتك بحزنك، بدماغك وتفكيرك".
7 - "اليوم اللى هيجى عليك وتعرف هي أد إيه كانت كويسة.. هو نفس اليوم اللي هيجي عليها ومش هتبقى فكراك أصلا".
أقرأ أيضأ : رضوى الشربيني تشكو تامر حسني لزوجته بسبب زغرودة عبر إنستجرام