ماكيير الاختيار 3: التحدي كان كبيرا وذاكرنا الشخصيات كويس

قال الماكيير أحمد مصطفى «ماكيير الإختيار 3»، إنه بدأ شغل ماكياج في الإعدادية مع خاله الماكيير الشهير أحمد مرتضى، مضيفا "حبيت الموضوع جدا، وتعاملت مع الماكيير محمد يوسف وكنا بنشتغل مع بعض بنظرة العين وبنرتاح جدا في التعامل مع بعض"، جاء ذلك و البرنامج من تقديم الإعلامي كمال ماضي.
وأضاف خلال حواره لبرنامج «حلوا معانا»، الذي يذاع على "نغم اف ام»، "أن أهم حاجه للماكيير إن عينه تصدق اللي بيشوفوا، ولو أنا كماكيير عملت شغلي كويس جدا والممثل غير قدير شغلي مش هيبان، واحب أشكر المخرج دكتور بيتر ميمي على ثقته في التعامل معي".
وعن تحدي الشخصيات في الاختيار 3 فكان بسبب المرحلة اللي كانت في 2012 ل 2013 لأن فيه ناس شكلها اتغير والمشاهد هيقارن وكان لازم نذاكر كويس وبدأنا نجيب صور وفيديوهات للشخصيات، وبدأت أكتب الخطوات اللي هعملها لكل شخصية، والتحدي كان أكبر بالنسبة لي وهو طلب دكتور بيتر ميمي إنه مش عاوز مكياج أوفر ويكون بسيط، فقط روح الشخصية وعلى الممثل الأداء مع اللبس فكل حاجة تكمل بعض.
ووجه الشكر للنجم الكبير ياسر جلال إنه أبدى استعدادا كبيرا لحلاقة الجبهة الأمامية والذقن في سبيل إن الشخصية تطلع صح ودي وفرت وقت وجهد كبير لينا وليه، وياسر جلال كان بيحاول يمرن عضلات وجهه وهو بيعمل الميك اب فبتظهر خطوط من خلال ريأكشانات وشه وده ساعدنا جدا في تنفيذ الألوان على كل تفاصيل الوجه.
أما عن رد فعل الفنان ياسر جلال بعد ما شاف شكله "أخدنا بالحضن أنا والكوافير"، ومن أهم مميزاته كفنان انه عاش الشخصية ومش بيقلدها.
وعن عبقرية خالد الصاوي فقال كانت متمثلة في طريقته وأدائه فعمل للشخصية كيان وقربها للمشاهد، وحاليا بنغزل الذقن بدل من إننا نجيبها قطعة واحدة وده بيريح الممثل جدا في اداؤه وتعبيراته.
واختتم أحمد مصطفى ماكيير الإختيار 3 ، قائلا "إحنا بلد كبيرة ومن أقدم الدول في صناعة السينما في العالم".
اقرأ أيضا: نقاد يشرحون فلسفة اسم المسلسل الأكثر نجاحا فى رمضان l لماذا «الاختيار»؟