إلهام شاهين ل«أحمد فلوكس»: أنا أكبر من الرد عليك واللي مش بيحترم الفن يسيبه

أثار الفنان أحمد فلوكس حالة من الجدل بعد أن هاجم الفنانة إلهام شاهين، عبر حسابه الشخصي بموقع التواصل الاجتماعي "فيسبوك".
ونشر أحمد صورة لها، وعلق على الصورة عبر حسابه بموقع التواصل الاجتماعي «فيسبوك»، قائلًا: «بعيدا عن معزتك، ممكن أستأذنك ماتتكلميش تاني في الكلام ده، البوسة بنعتبرها حاليا منافية للآداب؟، أمال امتى يا فندم نعتبر الشيء منافي للآداب، لما نلاقي العيل نازل وبشهاداته كمان هنا يبقي سفالة مثلا».
وتابع: «طب سيبك من ده كله، الدين إيه، الشاشه دي بتربي أجيال وبتشكل وجدان، مش بتربي وحوش وبتعمل أوضاع على كده، بقى إحنا نعتبر الأفلام المخلة، أفلام تثقيفية تعليمية إرشادية الغرض منها التعليم والتمرين وإنها أفلام هادفة».
إلهام شاهين لم تصمت أمام تلك الهجوم لترد على فلوكس في تصريحات صحفية قائلة: «مينفعش أرد على أحمد فلوكس، أنا أكبر من إني أرد على أسلوب لا يليق من أي فنان، أنا ردي إن اللي مش مِحترم المهنة يسيبها».
وأضافت: «فيلم (حظر تجول) خدت بسببه 12 جائزة من مهرجان جمعية الفيلم، ، الله أعلم ظروفه إيه، بس الأسلوب يبيِّن إن في شيء تاعبُه».
وتابعت: «أنا بتكلم على القبلات اللي في الستينيات، اللي أبطالها سعاد حسني، فاتن حمامة، نادية لطفي، والفن ما ينفعش يقيم بمنظور أخلاقي وديني، وده دور بتعمله فنانة لازم نفصل بين الدور والشخصية الحقيقية».
من ناحية أخرى، أعربت إلهام شاهين، عن سعادتها لحصدها جائزة أحسن ممثلة عن فيلم «حظر تجوال» قائلة: "كنت فرحانة بالجائزة لأن في ناس معايا في الفيلم حصلت على جوائز"، منوها بأن فكرة الفيلم لم تناقش من قبل لا في السينما المصرية أو العربية أو العالمية، وهى زنا المحارم، معلقة: "موضوع جديد اتناقش بشياكة ورقي".
وأشارت "شاهين"، خلال اتصال هاتفي ببرنامج "حضرة المواطن" المذاع عبر فضائية "الحدث اليوم"، مساء الأحد، إلى أنها لا تلتفت للهجوم الذي تتعرض له، معتبرة أن الرد على معارضيها سيعطلها عن عملها، مضيفة: "أغلب اللي بيهاجمونا بيتسلوا ومش بيشوفوا العمل، وهفضل أتهاجم لحد ما أموت".
وأضافت أن الخلط بين شخصية الفنان الحقيقة والشخصية التي يقدمها كارثة، ونوع من الجهل، متابعة: "مش بدخل على السوشيال ميديا ولا بلتفت للهجوم".