تعليق ناري من تامر أمين على فيلم أصحاب ولا أعز : «إياد نصار مبيمثلش المصريين.. وإذا بليتم فاستتروا»

هاجم الإعلامي تامر أمين فيلم «أصحاب ولا أعز» موجها انتقاداته للفنان إياد نصار لظهوره خلال أحداث الفيلم كرجل مصري يدفع عن المثلية الجنسية.
وقال «أمين» خلال برنامجه «آخر النهار» :«كل الموبقات اللي في الدنيا موجودة في الشخصيات السبع التي لعبت بطولة الفيلم.
وتابع «أمين»: «اللي شفناه في الفيلم لا له علاقة بالصداقة أو الصحوبية أو المعزة، السبعة أمثلة لكل الفساد اللي ممكن تتخيله ولكل العلاقات الإنسانية والاجتماعية السيئة».
وأضاف تامر أمين مواصلا هجومه على أبطال فيلم «أصحاب ولا أعز»: «لا أقول رأيي بل أقول وصف للفيلم ،واللي مشافش الفيلم يتأكد من اللي أنا بقوله».
وتابع متحدثا عن بطلة الفيلم منى زكي التي تعرضت لهجوم عنيف بسبب دورها في الفيلم : «أنا ضد فكرة العنف كما أنني ضد فكرة الإساءة والتجاوز ضد نجمة كبيرة مثل منى زكي، وهي ست محترمة كتير وتاريخها يشفع لها، حتى لو احنا معترضين على مشاركتها في هذا الفيلم، لكن في النهاية مينفعش بالشتيمة،فأرجو منشتمهاش، يبقى بالانتقاد، وآخرك تقول كمهاجم متعمليش الفيلم ده، وانا هقولها انتي أكبر من الفيلم ده يامنى ، وسؤالي ليكي ليه اشتركتي في الفيلم ده، ممكن فنانة أقل منك تشارك في السبوبة دي مش انتي».
وهاجم تامر امين الفنان إياد نصار : «منطق تحفظي الاساسي إياد نصار مش منى زكي، اللي لعب دور مصري وهو مش مصري الجنسية بس قدم شخصية زوج مصري بيظن الاصدقاء الاول أنه مثلي الجنسية وبعد كدة وبيبدلوا التليفونات لمدة ساعة ثم بتظهر الحقيقة وبيوجه رسالة لصديقه المثلي ويحرضه أنه يرفع قضية على الجامعة اللي فصلته،ويظهر الشخص المصري بيدافع عن الشذوذ الجنسي، ودي كارثة إن الشخص المصري يظهر بيقول كدة ويعمل كدة وده مبيمثلش المصريين ،وإذا بليتم فاستتروا ،مش دافعوا وبجحوا ،وجاهروا،هو ده السم اللي في العسل».