أحمد العوضي: أنا من عين شمس وأولى واحد يعمل دور ابن البلد

تحدث الفنان أحمد العوضي عن تفاصيل شخصية الخديوي، الذي قدمها خلال موسم رمضان الماضي 2021، خلال مسلسل اللي مالوش كبير، وحقق نجاحًا كبيرًا.
وقال العوضي، خلال حلقته وزوجته الفنانة ياسمين عبد العزيز، في برنامج معكم عبر شاشة قناة CBC، إن سبب إتقانه للدور هو انتمائه لبيئة شعبية: الفكرة لما جه عمرو يكتب اللي مالوش كبير وخصوصًا شخصية الخديوي، أنا بحب أرجع لأصل الموضوع، أنا من عين شمس وأولى واحد يعمل ابن البلد الشعبي، حتى لو خارج عن القانون، بس فاهم وعارف الأصول، ودي حاجة باينة في شخصية الخديوي زي الكلام ولما يتك على كتف حد وهو بيتكلم، دي حاجة أنا بفتخر بيها إني من بيئة شعبية.
وأوضح العوضي: رفضت في الأول مسلسل اللي مالوش كبير مع ياسمين عبد العزيز عشان كنت عارف إن هيحصل بينا مشاكل، وأنا مكنتش عايز كده، ولكن أقنعني حسام شوقي بعد كده لأني بثق في رأيه جدًا، وأكيد اتخانقنا.
وتابعت ياسمين عبد العزيز: كنت ناوية بعد مسلسل ونحب تاني ليه أعمل فيلم مش دراما واستنيت كورونا تخلص ولكن هي من الواضح مكملة معانا، ولما جالي المنتج حسام شوقي يعرض علي مسلسل مع العوضي قولتله لا لأن المسلسل ده هيكون سبب طلاقي ومش شايفاها فكرة كويسة.