أكلة اليوم | طريقة عمل «الرقاق باللحمة المفرومة» بمذاقه الشهيّ اللذيذ

الرقاق باللحمة يعدّ طبق الرّقاق باللحمة من الأطباق التي تشتهر بها الشعب المصري، وهو طبق معروف في جميع الدول العربيّة، تقوم السيّدات في دولة مصر بتحضيره وطبخه في الأعياد والمناسبات خاصةً في العزومات، فطريقة طبخه سهلة جدّاً ولا تحتاج لوقتٍ كبير، ومذاقه شهيّ جدّاً ولذيذ.
لذلك نقدم لكم طريقة عمل الرقاق باللحمة المفرومة :
المقادير :
- رقاق ناشف
- لتر شوربة
- نص كوب زبدة
- معلقه كبيرة سمنة بلدي
- نص كيلو لحمه مفرومة
- بصله حمراء مفرومة
- كوب فلفل اللوان مفروم
- معلقه صغيرة ثوم مفروم
- فلفل مفروم نص كوب
- رشه جوزة الطيب
- فلفل أسود
- ملح
- طريقه التحضير :
- أول حاجة هانعصج اللحمة يعني في طاسة سخنة هتضيف شويه زيت وبعدين نضيف البصلة والفلفل ونقلبها شوية وبعدين نضيف عليهم اللحمة المفرومة وملعقة الثوم مع البهارات ونسيبها شوية على النار مع التقليب ولو اللحمة سمينة شوية هانضيف ملعقة كبيرة من الدقيق عشان اللحمة تبقى مرملة ومتبقاش كور.
- ثم في صنية هانضيف لتر من الشوربة وبعدين ننزل فيها الرقاق ونجهز الصنية اللي ها نعمل فيها الرقاق.
- ثم هاندهنا زبدة أو سمنة وبعدين نفرد في قلبها الرقاق وبين كل طبقة وطبقة هاندهن زبدة سائحة عشان الرقاق يورق وبعدين نعمل 3 أو 4 طبقات وبعدين نضيف اللحمة المتعصجه ثم نعمل 3 طبقات تاني وبعدين نقطع الصينية مربعات.
- وبعدين ننزل بشوية شوربة وندهن الوش زبدة وبعدين ندخلها الفرن على درجة حرارة 200 في الرف اللي في النص لحد ما الوش يتحمر كويس.
- لو محتاجها مقرمشة قوي هانضيف نص كوب شوربة بس بعد ما ندهن زبدة وطبعاً لو محتاجها الرقاق يكون طري هانضيف شوربه أكتر وبألف هنا وشفا.