بعد حذف اليوتيوب لأغنية «يا معود قلبي».. أزمة جديدة بين شادي شامل وتامر حسين

أزمة جديدة شهدها الوسط الفني، بين المطرب شادي شامل والشاعر تامر حسين، بعد حذف اليوتيوب لأغنية "يا معود قلبي" التي تعاون فيها الثنائي.
بدأت الأزمة بمنشور كتبه شادي شامل، بعدما حذف موقع الفيديوهات اليوتيوب أغنيته الجديدة "يا معود قلبي"، وأوضح أن تامر حسين وراء حذف الأغنية وكتب: "تامر بيدعي اني ما دتوش فلوس الأغنية مع أنه عاملي تنازل من سنتين عن الأغنية في المصنفات الفنية ومختوم بختم الجمهورية وواخد أجره المادي الكامل باعتراف منه ومعترف بذلك في التنازل وقالي بعد ما عمل التنازل الأغنية ملكك يا شادي انت تعبت وتستاهل".
وتابع "بيقول عليا حرامي وإني سارقته هو عامل التنازل بكامل إرادته وكلمني وبعتلي رسايل وهو في المصنفات الفنية عشان ابعتله صورة جواز سفري وعندي بالدليل برده حظه الوحش إن كل حاجة عندي موثقة بالدليل وكان بيجيلي الاستوديو ويشهد علي ذلك الموزع مهاب سامي وتامر كان في الاستوديو بيوجهني مع إني ملحن الأغنية بس ما حبتش أكسفه ورفع عليا قضية في المحكمة الاقتصادية بعد سنتين من التنازل ويطلب من المحكمة إلغاء التنازل والمحكمة ادته حكم بعدم الاختصاص وهذا هو قضاء مصر المحترم ولم يصدر حكم رسمي بعدم نزول الأغنيه ووقف الأغنية".
ورد تامر حسين على ما كتبه شادي شامل وقال عبر حسابه على الفيس بوك: " الحقيقة إنى والله ما بحب أرد على بوستات المشاكل دى تماماً وعلى عينى بس قدرنا والحمد لله وعندى صحة كلامى بمسجات وواتس آب وأساتذتنا فى المصنفات الفنية الزملاء المحترمين وحاجات مايصحش تظهر في العلن ذوقياً وكرم أخلاق منى اه والله العظيم ما خفى كان أعظم بس حاكتفى بالرد على نقطتين محتاجين توضيح المُقابل المالى وعدم اقتناعى التام بالشخص كمطرب".
وتابع: "لأن واضح أن الناس مؤخراً فاهمه البجاحه تريند أعمِل ايه عشان أكسب تعاطف الناس ؟؟؟ اه أقول دى كانت أغنيتى وكان حايدوها لمطرب كبير وكلمتين مؤثرين مُستقبلى وحرام فيتعاطف الناس اللى ماتعرفش الحقيقة والله يسامحه اللى بدعها".
وحكى تامر حسين ما حدث بينهما قائلا: "الأخ كلمنى في 2019 على كلام الأغنية اللى المفروض يغنيها مُطرب أو أى فنان له جماهيرية يضيف للعمل ويشهره يشهر لحن الأستاذ ويشهر كلامى ونستفاد كُلنا ان قُدر لها النجاح والجمهور حبها والحقيقة مش الأغنية دى تماما، قالى مراتى قررت تعملى الأغنية دى للشاب خالد وقالى أنه يغنيها الشاب خالد دويتو معاه قولتله أفيدلك تخلى الشاب خالد يغنيها لوحده لأن صوتك جنبه حايبقى على قده أنت توصل اللحن أوك انما ديو دى حاسسها تعملك مشكلة أكتر ما تفيدك وفر فلوسك، المهم دخلنا ف الجد قالى عايز التنازل عشان أطمن خالد ومراتى تتأكِد من جدية الموضوع لا تفكرنى بهزر معاها بكُل حُسن نية وذوق منى (سّبقت وخلصت) الورق المطلوب منى عشان أنقذله الموقف ويطلع صادق".
وتابع: "فجأه بعد حماسه والشاب خالد وحلم الأحلام اللى عايز يأكده للمقربين منه اختفى لا جاب سيرة مقابل ولا خدت منه مليم والله العظيم وحياة أولادى ما خدت منه مليم وهيبقى عنده مليون طريقة إثبات رقم حساب بنكى أى ايصال تحويل مسج بيقولى بعتلك كذا أى أمارة حتى يقول للمدام إن فلوسها مارحتش ف الهوا ويثبت صحة كلامه كل ده ماخدتش أصل التنازل فوجئت بمكتب المُصنفات وأنا براجع معاهم ورق قالولى أنه جه يطلع أصل التنازل من الصورة عشان الأصل ضاع منه طب ده حضرتك تسميه إيه سرقة وإلا نصب وإلا بجاحه والا هبل اختاروا انتوا المُسمى المُناسب".
وأكمل: اكتفيت أنى أعمله بلوك لكل أرقامه وفضلِ من 2019 ل 2021 لحد من 3 شهور بيوسط أى حد أعرفه وقريب منى انه بيعتذرلى وانه غلطان وعرف غلطته وقالهم خلونى أقابله وأنا رافض رفض تام وزمايلنا اللى وسطهم يشهدوا فضِل ورايا قد ايه ؟؟؟؟ يعتذر ويتأسِف لحد من 3 شهور كلمنى من رقم غريب رديت قالى بالنص (والنبى ماتقفل السكة فى وشى أنا أسف) وغلط وعايزك تسامحنى اتحرجت وقلت عفى الله عما سلف، بس لا تكلمنى فى فن ولا تبعتلى الحان والاغنيتين تلاته اللى عاملهم معاك انسى كلامهم قالى حاضر انا ماشفتش منك غير كل خير وحقك عليا يا أخويا وصفحة جديدة، قابلت صديق لينا مُشترك بيقولى لسه شايف فيديو اغنيتك مع الشخص ده قولتله لاء ده انا مش مديله تنازل بيها وكنت عامله محضر وبعتلى رسايلى أرجوك أنا صرفت اللى ورايا وقدامى ع الفيديو خليك جدع معايا وسيبهالى أسيب اللى سرقنى؟ ونصب وكدب؟ واسيب لك ليه ؟ وأنا مش مقتنع بيك كمطرب أنا فوق راسى أحلامك انت والمدام بس ماليش علاقة بيها نفذها بشرف مش على أكتاف ناس مُحترمة، راح صور الكليب دون علمى دون دفع مقابل مادى واستحل حقوقى وقال يعنى بيحطنى قدام الأمر الواقع وهو عارف إنى والله لو كان دفعلى مال الدنيا ماكنت هشتغل معاها بعد الانطباع السىء اللى سابهولى".
وأغنية "يا معود قلبي" كلمات الشاعر تامر حسين وتوزيع مهاب سامي ومهندس الصوت محمد صقر.