والدة إيمان عادل الملقبة بشهيدة الدقهلية: زوجها سرق ذهبها علشان يقتلها بيه

كشفت أشراف المكاوى، والدة إيمان عادل الملقبة بشهيدة الدقهلية :"اتصل بيا جران بنتى وقالولى تعالى بنتك مغمى عليها، وروحت لقيت الناس كلها في الشارع وأنا ماكنتش عارفة إنها ماتت وبعدها جاءت المباحث" قائلة : "أنا آخر واحدة عرفت بموتها بالطريقة البشعة، ابنها كان متطعم قبلها بيوم واحد عنده 9 أشهر وماتت وهى ماسكة ابنها".
وأضافت، خلال مداخلة هاتفية مع الإعلامي عمرو أديب ببرنامج الحكاية المذاع على قناة mbc مصر اليوم الجمعة: «بنتي حياتها كانت هادية ماكانتش بتحكيلنا على حاجة علشان أنا مريضة سكر وأبوها مريض ضغط وزوجها ما كانش بيقول أي حاجة " مضيفة:" أنا عرفت إنه قال لوالده إنه عاوز يطلق إيمان بعدما توفيت لكن إيمان كانت محبوبة من أخواته وأبوه وأمه وكانوا بيعارضوه، هو كان عاوز يشهر ببنتى فربنا شهر بيه".
وأكدت والدة إيمان عادل: لا نحتاج غير القصاص وإعدامه في ميدان عام لأنه أبشع من القاتل، سلمته بنتي أمانة وياريته كان حافظ عليها وكان هيكبر في نظري لو جالي وقال عاوزة أتجوز عليها أو أطلقها كنت هاخد بنتي وخلاص، بنتى كانت هادية ومحترمة وفى حالها، سرق ذهبها علشان يقتلها بيه، وجالى بعد ما بنتي اندفنت وأكل وشرب الشاي في بيتى".