والدة إيمان عادل: "زوج بنتى أخد دهبها علشان يقتلها بيه"

قالت أشراف المكاوى، والدة إيمان عادل الملقبة بشهيدة الدقهلية: "اتصل بيا جران بنتى وقالولى تعالى بنت مغمى عليها، وروحت لقيت الناس كلها في الشارع وأنا ماكنتش عارفة إنها ماتت وبعدها جاءت المباحث".
وأضافت، خلال مداخلة هاتفية مع الإعلامى عمرو أديب ببرنامج الحكاية المذاع على قناة إم بى سى مصر: "أنا آخر واحدة عرفت بموتها بالطريقة البشعة، ابنها كان متطعم قبلها بيوم واحد عنده 9 أشهر وماتت وهى ماسكة ابنها".
وتابع: "حياتها كانت هادية ماكانتش بتحكيلنا على حاجة علشان أنا مريضة سكر وأبوها مريض ضغط وزوجها ما كانش بيقول أي حاجة، أنا عرفت إنه قال لوالده إنه عاوز يطلق إيمان بعدما توفيت لكن إيمان كانت محبوبة من إخواته وأبوه وأمه وكانوا بيعارضوه، هو كان عاوز يشهر ببنتى فربنا شهر بيه".
وأكدت: "نحن لا نحتاج غير القصاص وإعدامه في ميدان عام لأنه أبشع من القاتل، سلمته بنتى أمانة وياريته كان حافظ عليها وكان هيكبر في نظرى لو جالى وقال عاوزة اتجوز عليها أو أطلقها كنت هاخد بنتى وخلاص، بنتى كانت هادية ومحترمة وفى حالها، سرق ذهبها علشان يقتلها بيه، وجالى بعد ما بنتى اندفنت وأكل وشرب الشاي في بيتى".
إيمان عادل
طلخا
الدقهلية
الموضوعات المتعلقة
إيمان عادل.. القصة الكاملة لقتل البراءة فى ميت عنتر بالدقهلية
الجمعة، 26 يونيو 2020 04:10 ص
أخبار المحافظات اليوم..قاتل إيمان عادل يحمل مقتنياتها بشوارع طلخا بعد جريمته
الخميس، 25 يونيو 2020 08:06 م
نيابة المنصورة تجدد حبس الزوج المحرض على قتل زوجته ايمان عادل 15 يوما
الخميس، 25 يونيو 2020 02:45 م