كشف رجل الأعمال إيهاب محمود، زوج المطربة شاهيناز ضياء النجار نجمة ستار أكاديمي، حقيقة ما حدث بينهما من التعدي عليها بالضرب «أنا اتفاجئت بالكلام إللي زوجتي قالته ونشرته، وهي قالت كلام محصلش، وأنا لحد دلوقتي ساكت متكلمتش، واتشهر بيا علي السوشيال ميديا». وأوضح محمود ، خلال مداخلة هاتفية في برنامج "حضرة المواطن"، المذاع على قناة الحدث اليوم ، الاحد 24 مارس قائلا : «أنا عرفت إن مراتي خارج مصر بقالها أسبوع، كانت في دبي وإندونيسيا، ومكنتش اعرف انها مسافره، وهي الفروض كانت معرفاني إنها مسافره الجونة أو العين السخنة علشان شغل، واتفقنا إنها تسيب معايا ابننا». وتابع : «أنا أخذت ابني عادي من والدتها، واتفاجئت إنها مسافرة خارج مصر، والولد كان معايا مخطفتهوش زي هي ما قالت، وهي بتقول إني اعتديت عليها وضربتها هي ووالدتها، ووالدتها مفيش فيها أي إصابات» قائلا :« زوجتي عندها جيوب أنفية وأي لمسة في أنفها بتنزل دم، وهي خدت سيلفي ونشرت صورة تقول إني خطفت ابنها، وأنا اتفاجئت بالكلام دا كله » . وواصل ايهاب محمود قائلا :« فضلت ساكت لحد أما لقيت الدنيا اتشهرت واتطورت»، مؤكدا : «أنا ايدي ما اتمدتش عليها، وكنت بدافع عن نفسي أما هما كانوا بيتعدوا عليا، ومرضيتش اضربها علشان ما يتقالش إني ضربت ستات». وأوضح « زوج المطربة شاهيناز»: « مراتي جات قالت لي أنا عايزه الولد، وأنا قولتها حاضر هجيبلك الولد، ومفيش أي مشكلة بيني وبينها، وإحنا أصلا بقالنا سنتين ونص منفصلين عن بعض، وايه إللي هيخليني أضربها في الوقت دا، وهي كانت رفعت قضيه خلع ضدي وأنا قولت لها مفيش مشكلة»، متابعا: «الموضوع هيتحول للقضاء والمحامي بتاعي هيتحرك الصبح». ولفت ايهاب محمود : «كل إللي حصل إنها ووالدتها اتعدوا عليا بشتائم وألفاظ ميصحش إنها تتقال، ووالدتها معروض عنها إن إيديها طويلة ولسانها طويل، ولو اتكشف علي مراتي طبي دلوقتي هيلاقي إن مفيش أي مشكلة في أنفها، ولو هي مصابة بالمنظر المنشور علي السوشيال ليه والدتها سليمة، وهي سليمة في بيتها مفيش فيها أي حاجه».
