خناقة بين نشطاء "تويتر" والإخوان بسبب النكسة

تداول نشطاء "تويتر" صورة لإحدى صفحات الإخوان المسلمين على "فيسبوك" باسم "إحنا شباب الإخوان اعرفنا صح"، وكتبت الصفحة "صباح النكسة على عيون الناصريين".
وقال محمد "جاءتني باكينام اليوم، فأمرتها بتحضير حوار لفخامتي عن النكسة، فقالت لي "حوار تاني؟ هو أنا ناكسة؟" فضحك الجميع ومات الشعب وبقي فخامتي".
وقال عمرو سلامة "عصام العريان مستعجب من دلالة إتيان ذكرى النكسة مع الإسراء والمعراج، والله يا باشا هو نفس استغرابنا لما تيجي ذكرى الثورة وانتم اللي في الحكم".
وكتب إسلام حسين "النكسة عمالين يقولوا أنصار مرسي شمتنين فالنكسة والحقيقة أنهم عايشين في أكبر وكسة ومش عاوزين يفوقوا منها".
ورد مصطفى قائلا "احنا بس بنفكركوا مين كان سبب النكسة اللي انتو عملتوه زعيم".
وقالت نسمة "ذنب عبد الناصر انه ماكانش بياع كلام ماقالش مثلا عالقدس رايحين شهداء بالملايين".
وكتب مصطفى "باختصار النكسة سببها إننا لم نحارب وهيحصل نكسة تانية يوم 30 لو منزلناش"، وقال أحمد طارق "لأ مش فرحانين بالنكسة بس بنفكرك مين السبب في النكسة .. السبب فيها اللي انتوا بتقولو عليه بطل العبد الخاسر جمال عبد الناصر".
جدير بالذكر أن اليوم الأربعاء 5 يونيو تمر الذكرى ال46 لنكسة 1967 والتي احتلت فيها إسرائيل سيناء والضفة الغربية والقدس والجولان السوري.