هاشتاج على تويتر: مين اللى عاوز يتلسوع ؟

2012- م 11:44:29 الاربعاء 07 - مارس
إيهاب على
انتشر اليوم هاشتاج مصرى على تويتر، عنوانه "لازم يتلسوع"، فكرته أن يكتب كل مشارك رأيه في الشخص الذى يقوم بشئ سلبى يستحق عليه اللوم والتأديب و"اللسوعة".
وهذه عينة من الهاشتاجات التى امتلأ بها تويتر حول هذا الموضوع:
اللى بيقتل فى شعبه علشان يحافظ على كرسى الحكم
كل شاب يعاكس واحده
الرجالة اللى فاكرين الشارع حمام عمومى
اللي بيعبد رجال الدين
اللي فاكر أن مفيش حد غيره عنده مشاكل
اللى مخرجه نص شعرها من الطرحه
الشحاتين اللى ربنا مديهم الصحة و بيشحتوا و يسرقوا
اللي عملوا الثورة ... شباب و نشطاء " قلالات الأدب "
صحيح ! حد يعمل ثورة ؟ وما يكملهاش !
اللى يرمى زبالة على الأرض
اللي دخل كلية طب و كان فرحان
الواد الى قاعد جنبى دلوقتى
اللى كل علاقته بالإسلام انه مربى دقنه و زارع زبيبه صلاة
اللى فاكر الشارع زبالة بيتهم
أى سخيف تواجد على الأرض منذ وجودها
اللي قال علي فانديتا "بانديتا "
اللي ميصليش و مش بيحمد ربنا علي كل شئ
اللي ميسمعش كلام ماما وبابا
اللى يقول " الثوره مستمره " أو " القضاء شامخ " أو " احترام القانون"
اللي بيقلش بمعدل 100 قلشة في الدقيقة
دكاترة هندسة عين شمس
المواطنين الشرفاء كلهم واحد واحد
كل واحد لسانه مسحوب منه
اللي بيشرب سجاير فى الاسانسير فيه أطفال بتدخل الاسانسير يا أذكياء.