مفروسة أوي

لماذا يذبح البعض الآن حمدين صباحي ؟ هل لأنه أعلن أنه سيترشح لرئاسة الجمهورية ؟ بالتأكيد هذا الكلام لايعجب الفريق السيسي ولايروق له ،سواء كانت عملية الذبح لحمدين صباحي أو البرادعي أو غيرهم، فالرجل حتي الآن لم يتحدث عن رغبته في رئاسة الجمهورية، بينما ملايين المصريين يتمنون أن يحملوه علي أعناقهم الي رئاسة الجمهورية، يبقي المنافقون والمطبلاتية عايزين أيه ؟ عاوزين الناس تزعل منه وتتقمص وتاخد علي خاطرها ولا عايزين المجتمع الدولي يقول دي مش ثورة! ياناس ياشر كفاية ذبح في خلق الله، وخلونا نكون حضاريين شوية، ما يترشح 500 واحد أمام السيسي وكل واحد ياخد أصوات من يقتنعون به وحمدين ياخد 3 ملايين والبرادعي زيهم أيه يعني العشرين مليون اللي قالوا نعم للاستفتاء قالوها من أجل السيسي ،اللي خايف يروح واللي بيطبل يقعد في بيتهم وإحنا بعون الله مادمنا ناويين خير فالرئاسة جاية جاية والمنافقون يمتنعون .