صباح جديد

وزارة الزراعة واقفة علي رجل والدنيا مقلوبة، بسبب شائعة انتشار الطماطم الإسرائيلية في الأسواق.. وزير الزراعة فريد أبوحديد مش ساكت وبيهرش في راسه ورايح جاي يقول يا تري الطماطم جت منين، وعلطول شكل لجنة واتنين وتلاتة، اللي يقول أكيد الطماطم لابسة طاقية الاخفاء ودخلت من غير ما حد يشوفها، واللي يقول يمكن دخلت من الأنفاق قبل ما تتهد، وواحد خبيث قال وفيها ايه أكيد طماطم إسرائيل أحلي وأنضف من بتاعتنا علي الأقل من غير مبيدات.. وأول ما اللجان تخلص كلام وتقبض الأبيج يعملوا تقرير محترم للوزير إن كله تمام ومفيش ولا طمطماية غريبة في السوق.. حمرا يا قوطة!