المعلم.. صاحب القهوة اتابع من فترة ما تكتبه.. في هذا المكان واتعجب من... تصويرك »للستات« علي انهم.. من فصيلة »دراكولا« مصاص الدماء.. مع انهن في تقديري ألاف من القطط« السيامي المتربية في البيت. وواضح مما كتتبه عدم معرفتك.. بمفاتيح التعامل مع الستات.. فأنت وزيك الاف لم تستطيعوا ولم تتمكنوا من فهم طبيعة.. »الست« ولا كيف.. يمكن وضعها.. في جيبك الصغير، وحتي لا تقول اني- بأاتكلم.. كلام انشا.. ومواعظ.. خليني ادلك علي افضل طريقة واقصرها، واقلها تكلفة لتكسب اي امرأة.. في صفك والطريقة دي ببساطة وفي كلمة واحدة هي: اكدب.. ثم.. اكدب.. ثم اكدب.. تعيش مرتاح ومبسوط.. وتدلدل رجليك.. بقية عمرك. فياعزيزي.. »الكدب« علي الستات هو المفتاح الوحيد للوصول الي كل ماتريده منهن، وانا هنا لا اتكلم عن »ست« بعينها ولا عن »ست« في سن معين.. لأ انا با اتكلم علي الكل.. وجرب كده.. اكدب علي مراتك، وقول لها انها »حلوة« او »احلوت« وانت متأكد وباصم بالعشرة انها شبه »سيد قشطة«.. شوف حتعمل ايه معاك. اكدب علي اي »ست« تشوفها.. او تقابلها في شغل.. في خدمة.. في مصلحة حتلاقي الابواب كلها.. بتنفتح لك.. »هي« كده. تعيش كداب.. تموت مبسوط.