احم احم

شيلوا حكومة حُطوا حكومة.. حاجه غريبه ومش مفهومة.. الموضوع مش بس ومين بحر فساد من عمر سنين خلاه حسني صارمنظومة.. شيلوا وزير وحطوا وزير وضع حقيقي بجد خطير.. الموضوع مش واحد فرد.. ألف قانون محتاج للجرد ألف قانون محتاج تغيير.. مصر واكلها روتين وبارومة.. شيلوا وحطوا علينا تراب تلاتين عام مزروعة خراب.. قاعدين بس نشيل ونحط.. لعبة فار ولعبة قط.. خايفين يبقي الحلم سراب.. شيلوا سوسن حُطوا حنان.. هاتوا فلان أو مين علان.. لينا سنين بنشيل ونغيَّر حاجة بجد حقيقي تحيَّر.. خايفين بكره يجينا جنان.. وتعيش تاني بلادي محرومة .. قبل وزارة أو تعديل.. أي قانون عايز تفعيل.. عايزين يصحي ضميرنا يفوق.. تصبح بلدي ربيع وشروق.. شيلوا وزارة حطوا وزارة راسنا يا ناس صارت مندارة.. امتي بلادي يا ناس تتهنَّي وترجع تاني أحلي منارة؟
راضي علي الطهطاوي- سوهاج - طهطا