حقيقة تأسيس نجل مرتضى منصور شركة تسويق رياضى مع «تيجانا»

نفى أمير مرتضى منصور نجل رئيس الزمالك الأنباء التى ترددت حول تأسيسه شركة تسويق رياضى بالشراكة مع إسماعيل يوسف رئيس قطاع الكرة بالنادى وأخد موظفى إدارة التسويق بالنادى.
وفند أمير أسباب عدم تأسيسه لشركة تسويق رياضى عبر صفحته الشخصية على مواقع التواصل الاجتماعى فيس بوك قال فيها : «في خبر انتشر في الفترة الاخيرة اني اسست شركة تسويق رياضي لادارة الصفقات في نادي الزمالك مع كابتن اسماعيل يوسف ومع شريف اسلام مدير التعاقدات الجديد بنادي الزمالك لذلك لزم التوضيح:
1- لا توجد أي شركات بأسمي سواء في لمجال التسويق الرياضي أو في أي مجال تاني ربنا خلقه ده غير أن القانون بيمنع أصلاً أن يكون في أي علاقة تجارية بين أي مسئول وأي حد من قرايبه للدرجة الأولى.
2- اللي ورا الخبر ده موظف في النادي ومسئول سابق وكام سمسار لاعيبة مضايقهم إن أمير بيضيع عليهم عمولات وبيوفروا للنادي ملايين اللاعب و المدرب، اصبح الزمالك بيتعاقد معاه بأجره الحقيقي من غير أي عمولات وده سبب إني بسافر كل حته علشان اتفاوض بنفسي لان لو النادي فوض سمسار هيكون مصلحته إن قيمة العقد تكبر علشان يستفيد.
3- الغرض من الخبر ده هو إبعادي عن النادي بشكل عام و الصفقات بشكل خاص و اللعب على عقلية رئيس النادي (والدي) اللي أول ما هيقرا خبر زي ده هيبطل يكلفني بأي ملف يخص النادي وهيقولي أبعد انت يا امير احنا مش مستفيدين حاجة غير الشتيمة والاخبار الكاذبة دي وبالتالي يغلوا أسعار اللاعيبة عالنادي والمصالح تشتغل.
4- اللي يفرق معايا هو جمهور الزمالك أنا ولا بشتغل علشان اتصيت اعلامياً ولا علشان طمعان في مركز في النادي ولازم الجمهور يعرف مين اللي بيحب النادي بجد ومين اللي بيهجص.
5- أنا لو ربنا كان كاتبلي اني اكمل في الكرة والعب في الزمالك اقسم بالله كنت لعبت ببلاش طول عمري مش إني اعمل شركة و استفيد من النادي.
6-واضح ان السكوت و الاختفاء بيدي فرصة لناس فاسدين انها تخطط و تفكر .. عالعموم ان الفترة الجاية مش هسكت وهفضح اي حد بيحاول يأذي النادي وعلى فكرة انا مش بتاع ‫#‏انتخابات‬ انا اصلاً بتاع ‫#‏مدرجات‬ وأي حاجة كويسة عملتها للنادي متجيش 1٪ من اللي عندي لكن انا بحترم نفسي وبحاول اساعد من بعيد .. قريب هتكلم علشان الناس تفهم مين اللي بيحب الكيان ومين اللي بيتشعبط فيه لمصالح شخصية.