بالفيديو| رئيس الزمالك لعمرو أديب: إنت تربية نجوى فؤاد.. ونفسك تنضرب مني

هاجم رئيس مجلس إدارة نادي الزمالك، عضو مجلس النواب، اليوم الأربعاء، الإعلامي عمرو أديب، على خلفية هجوم الأخير له خلال إحدى حلقاته ببرنامج "القاهرة اليوم" على فضائية "اليوم".
وقال رئيس الزمالك، خلال فيديو له نشر على قناته الرسمية على موقع "يوتيوب"، اليوم الأربعاء: "إنت بتقول إنك عنتر، طيب جريت من ابني أحمد ليه، وإنت اللي كنت بتستخبى تحت السرير أيام ما كان الدكتور محي الدين ييجلك البيت، يا ولد مش أنا اللي بستخبى تحت السرير.. وإنت تربية نجوى فؤاد".
وعن اتهام أديب له بأن يده ملوثة بشهداء معركة الجمل التي وقعت في ميدان التحرير أثناء ثورة 25 يناير، ردَّ رئيس الزمالك: "إنت مش عارف يالا إني واخد حكم بالبراءة غيابي، أنا مش عارف إنت مين فيهم؟، عمرو بتاع حسني مبارك ولا..، فاكر شركة النيل للتسجيل الإذاعي بتاع محمد طه حلمي اللي هو أحد رجال الرئيس السابق مبارك، وعلشان الراجل ده تبع جمال مبارك أخدتم إذاعتي نجوم fm، ونايل fm بالأمر المباشر، عشان مفيش دولة ولا قانون".
وواصل رئيس الزمالك: "إنت مكنتش بتتكلم كلمة واحدة عن جمال مبارك ليه؟، فاكر لما صوروك في المريوط، وفاكر العصا داخلت فين.. وبلاش أقول مع مين?، بلاش تنطق معايا أنا، أنا أشرف منك، وبعدين كانت مراتي وبنتي بيكلموك كل يوم عشان تدخلي الأكل في السجن، دا أنا عنتر يالا، طيب اسأل نبيل نعيم مين المعلم بتاع السجن ومين اللي كان بينيم المساجين ويصحيهم زي ما فريد شوقي كان بيعمل في الأفلام.. إنت نفسك تنضرب مني؟، بس أنا توبة خلاص وربنا هداني".
وعرض رئيس الزمالك عددًا من مقاطع الفيديو التي كان يدافع فيها أديب عن الرئيس المخلوع حسني مبارك خلال فترة حكمه.