قصيدة

يا نهار أبيض

أمي.. إحساس بالدفا يالمسة تديني الأمان ويا أحلي معني للوفا.. حضنك بيسقيني الحنان وقلبك يعلمني الصفا
وإخلاصي ليكي م الإيمان
وذكريات ما تتنسي
لما بنصحي علي الأدان
اصحي يا ابني للصلي
واسعي وسمي بالرحمن
واسمعلي منك دعوتين
علي كلمتين.. حلوين كمان
وبس امشي خطوتين
الاقيني برجعلك قوام
وارميني فوق صدرك انام
دا النوم علي صدرك شفا
امي......
أمي يامو الشعر الأبيض
والإيدين عالراس تطبطب
والعباية السمرا ديما
يا ما بتخبي وراها..
وف الحنايا
نبع صافي وقلب أبيض
أمي لا كبرت حبة
ورحت اتشعبط وأخبط
كنت تقولي بنفس راضية
يا نهار ابيض
يا نهار ابيض
إمي يا مو الوجه أبيض
م الإيمان بيشع نور
والطيابة تشر منه
والسعادة والسرور
أمي ليه بيزيد جمالك
كل ما تمر السنين
تكبري وتزيد آمالك
وتزيدي قلبي بالحنين
يا لي بنيتي بخصالك
قلب في حبك أمين
وكنت دعوة في صلاتك
تدعي وتقولي أمين
واما بنجح وتلاقيني
تاخدني لحظة م الغرور
بتقوليلي بس حاسب
دا الحكمة ميزان الأمور
وربنا علي بابه كاتب
انه رحمن غفور