بالصور.. متهم بخلية الجيزة الإرهابية: "أنا عمر بتاع منتخب مصر".. والمحكمة تؤجل لجلسة 29 يوليو

استمعت محكمة جنايات الجيزة، برئاسة المستشار محمد ناجي شحاته، للمتهم عمر فؤاد، في قضية خلية الجيزة الإرهابية، وبدأ كلامه قائلا "أنا عمر فؤاد بتاع منتخب مصر، سافرت مع المنتخب ولعبت باسم بلدي، واتقبض عليا باليل من بيتي، وكنت لسه راجع من الغردقة".
وتابع المتهم "قبل كده دخلوني قضية، وخرجت منها، وبعد كده دخلوني في واحدة تانية، وفي الوقت ده أنا كنت في الغردقة، ماليش دعوة بأي حاجة، ومامسكوش عندي أي إحراز، ولا حتى أي حاجة تثبت أن أنا موجود، بقالي سنة ونص محبوس دون وجه حق، أنا كنت لاعب في الجونة وعايش في الغردقة، واتخدت من البيت بطريقة غير آدمية، والظلم ده يا ريس هو اللي بيخلص فينا الإرهاب، وهو اللي بيحولنا لإرهابيين".
ووجه المتهم حديثه المستشار ناجي شحاته قائلا "أنا سمعت عن حضرتك خير من أيام مبارك، وأنك مبتخافش من حد، بس انا سمعت أن الأحكام مسيسة، وأن اللي بيجي مع حضرتك بتديله حكم جامد"، وختم كلامه للمستشار "اتقي ربنا فينا"، ليرد "شحاته": المحكمة ماوجهتلكش أي اتهام، وبلاش موضوع اتقي ربنا فينا عشان محبسكش سنة".
وقررت المحكمة تأجيل نظر القضية لجلسة 29 يوليو مع استمرار حبس المتهمين.