مهزلة ب"التعليم".. الموظفون يقتحمون المبنى بهتافات ضد العربي.. والوزير يرد: مش عاوزكم

يشهد مقر وزارة التربية والتعليم الآن مهازل بالجملة، حيث قام مئات الموظفين باقتحام المقر الرئيسى للوزارة، للمطالبة بزيادات مالية، ويحاولون الآن اقتحام مكتب جمال العربى، وزير التربية والتعليم، بعدما قاموا بمحاصرة القاعة التى يعلن فيها العربى أسماء أوائل الثانوية. خلال مؤتمر صحفى، وسط طرق شديد على جميع الأبواب، وصراخ بصوت عالٍ، مرددين: "مش عاوزينه.. مش عاوزينه.. الحرامى أهو".
ويحاول أمن الوزارة الآن منعهم بشتى الطرق من اقتحام مكتب الوزير.
قال الوزير: إن هؤلاء المتظاهرين يريدون الحصول على مكافآت بغير وجه حق، وإنهم حصلوا على كامل حقوقهم من قبل، لكنهم يستغلون الموقف الآن.
وأضاف الوزير: "هما بيقولوا مش عاوزينه وأنا بقول لحضراتكم أنا مش عاوزهم". وتابع: "أنا أكتر واحد خسران فى الوزارة، أنا يمكن أمشى الصبح هقعد فى البيت، إنما اللى بيتظاهروا هيفضلوا فى مناصبهم".
وأضاف: "اللى عايز يخدم البلد، مش بيدور على الفلوس، إنما اللى بيحصل ده موقف سخيف أنا بعتذر عنه، وكانوا يقدروا يتكلموا بأسلوب كويس، إنما شتيمة لا. أنا مش بحب أشتم، ولا أتشتم".