حلمنا !!!

كفاية بقي وبلاش تتعب معاك قلبنا
انزل يا مصري وانتخب عشان ربنا
ما تقولش حمدين بس دا واحد مننا
كمان مرسي وشفيق من بقية أهلنا
**********
مش شخص واحد اللي يقف عليه حلمنا
احنا خلاص عرفنا ازاي نحرك ولاد حينا
حط ايدك في ايدي وتعالي نحرر حبنا
اللي حبسه فرقة أحزاب وكمان غلنا
**********
سيب الميدان وتعالي نبدأ نعمر مصرنا
وانسي مين هيوصل للرياسة علي أرضنا
وخلي فيه أمل في بكره وفي قوة شعبنا
علشان نبدأ نحقق الحلم اللي عشناه كلنا
*********
مش رئيس لوحده هيقدر يجمع شملنا
حبك كمان لبلدك هو بداية طريق عزنا
والتاريخ يشهد لثورة قامت غيرت اسمنا
ولميدان من زمان هيفضل للتحرير رمزنا
قوم يا مصري وانتخب عشان نحقق حلمنا