علي أعتاب الحضرة الزكية الكلمة الطيبة

يااهل الأمانة والندي والشوق يامجمعين الشمل في الحضرة الزكية أول مانبدي القول نصلي علي النبي سيد ولد عدنان ونور الهداية قالوا الكتاب تقراه من العنوان. قلت اللي طيب تعرفه من البداية من خطوتي الأولي وأنا ماشي بين البشر وعيوني مذهولة كأن دم الشهيد في عروقي‏,‏ والتنهيد في شفايفي‏,‏ واتبسم كأني سعيد وقلبي أرض ونبت فيها كلام طيب شجر طيب
تعالوا كل المؤمنين إخوة ياكلمه ياطيبة علي بساط أحمدي الله وهبنا هبه نور الإيمان الندي يامكرم الانسان ياحافظ السموات والأرض يارحمن يوم الذهول كل حسنة تحتسب بميزان
ولا كلمة إلا بإذن إحيينا يارب كل المؤمنين إخوة تشفع لنا بالاذن كلمة طيبة الكلمة الطيبة الشجرة الطيبة الأصل طين وماء والفرع في السماء للجنة قريبة ياكل المؤمنين أخوات المؤمنين القلب لسه أخضر طول عمري من البنين معروف الأم أكبر من كل المحسنين الكلمة الطيبة‏..‏ مايرد لك جميل إلا الشكر الجميل طول عمري في مصر أمدح ولا يوم عنها أميل
آيات الشكر أملح من نبع السلسبيل الكلمة الطيبة وطلبت من الزمان الرحمة والأمان قلبي في الحي كله بيدق علي البيبان علشان الناس تقول له ومايخلصش الحنان الكلمة الطيبة‏..‏ وأفضل أدور وأدور علشان أوفي الندور بالليل الفجر ماشي ومعاه ضي البدور ولا أعلي من الشواشي ولا أثبت من جدور الكلمة الطيبة‏..‏ شاعر كأني المراكبية في بحر النيل علي طريق القمر بين البلاد مراسيل وكأن ياأهل الأمانة بيسمعوا الترتيل ماء الكلام اللي طيب من عينينا يسيل وقمنا نذكر وقمنا ننشد المواويل ولقينا أربعة آلاف قرية معانا تميل