المقصود من «حنون الحجاج» تلك الأغانى الفلكلورية المليئة بالحنين والأشواق إلى الكعبة المشرفة والمسجد النبوى والتى يغنيها الشعب فى توديع الحجاج واستقبالهم.ولقد اخترنا نماذج منها لهذا الأسبوع الذى ينتهى بوقفة عرفات أعادها الله على أمتنا بالخير والسلام صغير بشوشَه.. حج منا جدع.. صغير بشوشَه.. وزعقته فى الجبل.. بتبعد الوحوشه.. صغير وزينه.. حج منا جدع.. صغير وزينه.. وزعقته فى الجبل.. ترج المدينة.
يابو الخُفّ زينه.. يا جمل يا جمل.. يابو الخف زينه.. ورايح فين ياجمل.. دانا رايح اودى الحبيب يزور نبينا. يابو دراع حديدى.. يا بابور يا بابور.. يابو دراع حديدى.. ورايح فين يا بابور.. دانا رايح اودى الحبايب يزوروا الحبيبى..
يارب ما اموت ولا انزل ترابى.. إلا اما ازور النبى وابلغ مرادى.. يارب ما اموت ولا انزل لحودى.. إلا اما ازور النبى وابلغ مقصودى.. يا هناه اللى اتوعد.
يارايح بلدنا يا بشير يا بشير.. يا رايح بلدنا.. قول لأهلى العزاز.. يزينوا عتبنا يا للى رايح يا بشير يا بشير.. ياللى انت رايح قول لأهلى العزاز.. يحضروا الدبايح. ويا هناه اللى اتوعد.
ماتستكتروش مالى على الحج والنبى.. دا نبينا المصطفى على الباب ونده لى
ياللى فوق العلالى، وادعى لى يا امى.. ياللى فوق العلالى دعيت لك يا خوى.. يردك يا غالى.. يا فوق السطوحى.. وادعى لى يا امى.. فوق السطوحى يا فوق السطوحى.. ودعيت لك يا خويا.. يردك يا روحى..
ولما انت ناوى يا بوى.. ولما انت ناوى.. مين يحيى الضيوف.. ويوزع قهاوى.. ولما انت رايح.. يا حبيبى يا بوى.. ولما انت رايح.. مين يحيى الضيوف.. ويشرى دبايح.
خُد الكشك كله.. وان نويت ع السفر.. خُد الكشك كله خد الكشك كله.. عند حرم النبى.. اقعد وبله
وهدى شويه.. ياوابور السفر.. وهدى شويه.. وهدى شويه.. لما ابويا العزيز.. يوصى عليّه.. لابنى واعلى.. فى طريق النبى.. لابنى واعلى.. لابنى واعلى.. وحياة أبوك يا حاج.. تميّل تصلى.. لابنى خزانه.. فى طريق النبى.. لابنى خزانه.. لابنى خزانه.. وحياة أبوك يا حاج.. تميّل حدانا. يا رايح بلدنا.. يا بشير يا بشير.. يا رايح بلدنا.. يا رايح بلدنا.. قول لولدى العزيز.. يبيض عتبنا.. بوهيه وزيتى.. نقرش البوابه.. ببوهيه وزيتى.. بوهيه وزيتى.. واكتب حجتى.. على باب بيتى.. ورصوا الكراسى.. حوالين قبر النبى.. ورصوا الكراسى.. ورصوا الكراسى ..فج نور النبى.. تاب كل عاصى.. بنوك جدودى..يا حرم النبى..بنوك جدودى بنوك الجدود.. وسعوا ساحتك. وعلوا العمود.. وعاليه فى سماها.. قبتك يا نبى.. وعاليه فى سماها.. وعاليه فى سماها.. دول بنوها الملوك.. وربى نشاها..
