"إحنا جامدين قوي".. جلسات فوتوسيشن لسيدات سمينات على السوشيال ميديا للرد على ريهام سعيد

أثارت المذيعة ريهام سعيد ومقدمة برنامج "صبايا"، ردود أفعال البدينات على مواقع السوشيال ميديا فور تصريحاتها بشأن السمنة ومرض السمنة وكونه عبء كبير، إذ تعرضت لموجة من الإنتقادات الحادة وهجوم شديد بعد حديثها عن الأشخاص المُصابين بمرض السمنة والسمنة المفرطة، وانتقدتهم بطريقة أثارت ضيق ورفض المتابعين لها على مواقع التواصل الإجتماعي أنستجرام وفيس بوك، وقالت ريهام سعيد "الناس التخينة ميتة، عبء على أهلها وعلى الدولة، وبيشوهوا المنظر.. منظرك بيكون مش حلو وأنت بالعباية أو الجلابية ومش قادرة تمشي، بتفقدي جزء من أنوثتك".
جلسة فوتو سيشن تتحدى ريهام سعيد
ردود أفعال البدينات .. جلسة فوتو سيشن تتحدى ريهام سعيد بعد انتشار مقطع النقد اللاذع الذي قالته ريهام سعيد تعليقا على البدينات، نشرت أحد السيدات ممن يعانين من الوزن الزائد فوتو سيشن توضح خلاله أن السمنة لم تكن عائق في الاستمتاع بحياتها وبشكل طبيعي، ولا تشعر بخجل من شكلها أو حجمها، وأوضحت الصور كيفية اختيارها لملابسها دون اهتمام لزيادة الوزن.
جلسة فوتو سيشن تتحدى ريهام سعيد
وعلّقت السيدة مها مُنيب صاحبة الصور المتداولة عبر فيس بوك وأنستجرام، ببعض النقاط ردا منها على ريهام سعيد كما أوضحت هي على حسابها الشخصي، وقالت: جلسة فوتو سيشن تتحدى ريهام سعيد
أنا ست تخينة من وجهة نظر ريهام سعيد بس أحب أوضح كام نقطة: عمري ما كانت التخينة عبئ ع المجتمع أنا ست مكافحة وبشتغل من وأنا 16 سنة ناجحة في حياتي وفي شغلي ومحققة حاجات كتير في حياتي.. انا ست ارتبطت واتجوزت وعرفت رجالة حلوة عمري ما كان الراجل اللي انا بعجبه راجل تخين عشان تتساوي المقاسات خالص.. وانا بمشي شكلي مش مقزز انا حلوة في كل حالاتي كونك محدودة النظر دي مشكلة أي حدعنده ضعف نظر وثقافة.. انا حلوة بمقايسي وبفشخ أي حد يتعدي حدوده معايا علي أي مستوي .. ليا شخصيتي المستقلة وقراراتي وكبيرة وواعية وبعرف اتحمل مسئولية اختياراتي.
جلسة فوتو سيشن تتحدى ريهام سعيد
وأضافت "مها" متحدية السمنة وريهام سعيد، " أنا بنت ب 100 راجل وعندي صحاب ما تعرفيش تحصري عددهم .. وأنا مش ميتة أنا بخرج وبلبس أحلي لبس وبنزل البحر وبلبس مايوهات وعايشة سني الطبيعي، انا بحارب نظرتك كإعلامية محدودة العلم وضعيفة الثقافة ومحبطة وبحارب اي شخص يتعدي مستوي النقاش او فاشل في اختيار المسميات زيك، العيب مش في جهل الستات اللي ما بتعرفش تلبس العيب انك اعلامية فاشلة بتهدي ثقتهم في نفسهم عشان يعملوا عمليات يخسوا عشان تخدمي اهدافهم الشخصية وتزودي رصيدك في البنك، انا حلوة ولو ده مش عاجبك لازم يتعملك اعادة تأهيل في ثقافتك".
جلسة فوتو سيشن تتحدى ريهام سعيد
ووجهت "مها" رسالة لريهام سعيد تقول خلالها، "راجعي صوري واحرقي دمك وإعرفي إنك إنتي اللي جاهلة، مش مضطرة أبداً أقولك أسباب أنا ليه تخينة ولا وزني زايد عشان مش من حقك تسألي فيه، وبسبب أمثالك عملتوا لأمي عقدة في حياتها من إن عندها بنت وزنها زايد.. وبسببك كتير من أمهات حياتهم مدمرة عشان طاقة الجهل اللي بتصدريها ده بدل ما تقومي بدورك بحملة وعي محترمة للأمهات إزاي تتعامل مع عيالهم.. كلامك لو أنا ضعيفة يقتلني مش يخليني أحسن من ظروفي الصحية ويقتل أي لم بنتها أو إبنها عنده وزن زايد.
تُجدر الإشارة إلى أن ريهام سعيد كانت تُعاني من السمنة في أحد الأعوام عُقب انفصالها عن زوجها وأشارت إلى زيادة وزنها إلى 43 كيلو بسبب إصابتها بحالة الإكتئاب.