«أزمة السمنة»| ريهام سعيد ل«زينة»: «ولاد من غير نسب ولسة بتتكلمي!»

شنت الإعلامية ريهام سعيد هجوما ناريا على الفنانة زينة، بعد انتقاد الأخيرة لها، بسبب سخريتها وانتقادها لأصحاب السمنة المفرطة، في حلقة برنامجها «صبايا» على شاشة الحياة مساء الأربعاء الماضي، لتشتعل الأزمة وتنشب حرب تصريحات بينهما.
وكتبت ريهام سعيد عبر حسابها ب"إنستجرام": "ولاد من غير نسب وجواز من غير عقد، ومخدرات وقرف كتير ولسة ليكي عين تتكلمي؟، أنا اللي موجودة ازاي؟، على الأقل أنا ليا لزمة بنشر الخير مش الفجور، والافتراء على الناس.. يبني والله أنت ربنا نجدك".
وكانت زينة قد هاجمت ريهام سعيد في تعليق على فيديو للفنانة إنجي وجدان قالت فيه: "والله ما في عبء على الدولة غيرها بتقل دمها برخصها وكذبها مدعية المرض مريضة عمليات التجميل .. بتتريق على الغلابة اللي بيلبسوا عبايات وإسدال، رخيصة أنا مش فاهمة ليه تبقي موجودة واحدة زي دي أساسا منتهى العدم احترافية وقلة الأدب والتنمر فاضل تعمل أيه تاني علشان تمشي تشتم الناس بآلام والأب".
قامت الفنانة إنجي وجدان، بنشر فيديو عبر حسابها الشخصي بموقع مشاركة الفيديوهات والصور الشهير "إنستجرام" وهي توجه رسالة للإعلامية ريهام سعيد، بعد هجومها على أصحاب السمنة المفرطة، وقالت فيه: "لسه متفرجة على فيديو لريهام سعيد، أنا مبحبش أتكلم عن حد ولا أعمل مشاكل مع حد، بس "ريهام" بتقول فيه إن التخان ميتين وإن هما عبء على الدولة".
ثم أكملت "إنجي"، هجومها على ريهام سعيد عبر الفيديو قائلة: "أستاذة ريهام حضرتك كنتي عيانة أو عيانة أو معرفش، أنا واحدة تخينة ومعنديش كل المشاكل دي وغيري كتير، وكنت متعاطفة معاكي جدا لما أعلنتِ إصابتك بمرض نادر، وكنت بدعيلك، وناس كتير كانت ضدك وبقت بتدعيلك لما أعلنتي مرضك، فمش من صالحك إنك تضايقي الناس وتغلطي فيهم وتغلطي في شكلك.. أنا رياضية طول عمري، وتخنت، واتجوزت وجوزي رفيع وأُعجب بيَّ رغم أني تخينة، وخلي بالك في ناس مريضة وتخنت وفي ناس عندها مشكلة في الغدد، وفي ناس تخان ورياضيين وممكن يكونوا أحسن منك في الجيم، ومش من حقك تقولي التخان ميتين، أنا أهو عايشة وبمثل وبدي للناس أمل مش بكأبهُم، ودور الإنسان إنه يعطي للناس أمل، لكن لما تقولي لشخص تخين أنه ميت فأنتي كده بتقضي عليه تمامًا".
View this post on Instagram
ده ردي على الاستاذة ريهام السعيد الي بتقول ان التخان ميتيين بقيت الفيديو على صفحتي على اليوتيوب. اللينك في البايو و #انتي_جميلة_زي_مانتي
A post shared by Engy Wegdan إنجي وجدان (@engywegdan) on Aug 22, 2019 at 1:46pm PDT
جاء سبب هجوم إنجي وجدان بسبب أن الإعلامية ريهام سعيد وجهت هجومًا وسخرية من أصحاب السمنة المفرطة، وقالت في برنامجها: "الناس التخينة ميتة، عبء على أهلها وعلى الدولة، وبيشوهوا المنظر، منظرك بيكون مش حلو وإنتي بالعباية أو الجلابية ومش قادرة تمشي، بتفقدي جزء من أنوثتك".
وكانت ريهام سعيد تعرضت للهجوم بسبب إنها قالت في برنامجها- الأربعاء الماضي-: «الناس التخينة ميتة، عبء على أهلها وعلى الدولة، وبيشوهوا المنظر، منظرك بيكون مش حلو وإنتي بالعباية أو الجلابية ومش قادرة تمشي، بتفقدي جزء من أنوثتك».
وظهرت ريهام سعيد في جديد- صباح اليوم- عبر حسابها ب"إنستجرام"، لترد على تلك الموجة الغاضبة ضدها لتقول: «الأيام دي بتفكرني بأي فترة نعمل فيها حلقات قوية، وأنا مبسوطة جدًا إننا غايظين ناس كتير.. عملنا جراحات سمنة لناس كتير الأسبوع الماضي والستات كلهم زي الفل وصحتهم كويس، وعارفة إن فيه دكاترة اتضايقت وناس تانية اتضايقت والنجاح بيضايق أنا عارفة، وللمرة الأخيرة لجمهوري اللي بيحيني، إحنا مجرحناش حد ولا اتكلمنا وحش على حد، الناس اللي اتكلمنا عنهم فوق ال200 كيلو وهما عبء على الدولة فعلاً لأنهم مبيشتغلوش، والسمنة لو معندكش مشاكل في الغدد أو الجينات أنت اللي جبته لنفسك ويمكن تغيره».
View this post on Instagram
ريهام سعيد لمنتقديها : انت متعرفش وانا عارفة فخليك في حالك #reham_saeed
A post shared by Reham Saeed (@rehamsaidofficial) on Aug 23, 2019 at 2:52am PDT
وأضافت: «الناس اللي لابسة جلابية وإسدال ناس بسيطة هنقول جزء منهم أمي لازم تكلمهم بطريقة مختلفة غير اللي الناس بتقوله علشان يفوقوا.. لازم الناس تعرف إن شكلها وحش ومنظرها مش لطيف ويدل على عدم التحضر، الناس غريبة سيبونا نساعدهم ونوعيهم وننصحهم».
وتقدم المجلس القومي للمرأة بشكوى للجنة الشكاوى بالمجلس الأعلى لتنظيم الإعلام، ضد برنامج «صبايا الخير» الذي تقدمه الإعلامية ريهام سعيد على قناة «الحياة»، وتضمن موضوع الشكوى الحلقة التي تحدثت فيها مقدمة البرنامج عن «السمنة»، والتي أثارت استياء السيدات المصريات كما احتوت على عبارات وأوصاف لا تليق، وتضمنت الشكوى المطالبة باتخاذ الإجراءات اللازمة من قبل المجلس الاعلى للإعلام فى هذا الشأن، ومن المقرر أن تحقق اللجنة برئاسة جمال شوقي عضو المجلس الأعلى لتنظيم الإعلام، في الشكوى الأحد المقبل.